قازاقستاندىق دارىگەرلەر داۋاسى جوق اۋرۋ ءتۇرىن ەمدەۋدىڭ جولىن تاپتى

استانا. قازاقپارات - بىرنەشە كۇن بۇرىن استاناداعى نەيروحيرۋرگيالىق ۇلتتىق ورتالىقتىڭ دارىگەرلەرى ەرەيمەنتاۋلىق تۇرعىنعا وپەراتسيا جاساپ، پاركينسون (پاركينسون اۋرۋى - ەرەسەك ادامداردا بولاتىن سوزىلمالى اۋرۋ. نەيرومەدياتور دوفامين بولىپ قولدانىلاتىن ورتالىق جۇيكە جۇيەسىنىڭ نەمەسە ورتا ميدىڭ قارا سۋبستانتسيا نەيروندارىنىڭ ءبۇلىنىپ نەمەسە ءولىپ قالۋىنان پايدا بولادى - رەد.) اۋرۋىنان ايىقتىرۋعا كۇش سالدى.
None
None

بۇل جەردە تالما دەرتىنە شالدىققانداردى دا ەمدەپ جازادى.

الەمدە پاركينسون اۋرۋىنا 60 تان اسقان ادامداردىڭ 1 پايىزى شالدىعادى ەكەن. ادامداردىڭ وزدىگىنەن ءجۇرىپ تۇرۋىنان ايىرىلۋى الەۋمەتتىك ماسەلەگە اينالىپ وتىر.

ال ەلىمىزدە وسى دەرتكە 20 مىڭ ناۋقاس شالدىققان. الايدا، ەندى وسىنداي ناۋقاستاردىڭ ءۇمىتى قايتا وياندى.

ساپارعالي شايمەردەنوۆ -  54جاستا. پاركينسون اۋرۋىمەن ول 2007 - جىلدان بەرى كۇرەسىپ كەلەدى. دارىدەن ناتيجە بولماعاندىقتان، استانالىق نەيروحيرۋرگتەر 13 - ماۋسىمدا وعان وپەراتسيا جاسادى.

ساپارعالي شايمەردەنوۆ، ەمدەلۋشى:

- وپەراتسيادان كەيىن ءوزىمدى جاقسى سەزىنە باستادىم. دەنەم جەڭىلدەپ قالعانداي بولدى. ال وپەراتسياعا دەيىن ءوزىمدى ناشار سەزىندىم. اياق-قولىم دىرىلدەپ تۇراتىن. ال قازىر ءبارى جاقسى. نەيروحيرۋرگ شىڭعىس شاشكيننىڭ ايتۋىنشا، كەز كەلگەن ناۋقاسقا وپەراتسيا جاساۋعا بولمايدى. تەك ءدارى-دارمەكسىز بولعان جاعدايدا عانا دارىگەرلەر وپەراتسياعا جۇگىنەدى. وپەراتسيا بىرنەشە ساعاتقا سوزىلادى. ناۋقاستىڭ ميىنا ارنايى ەلەكتروت ورناتىلادى.

شىڭعىس شاشكين، فۋنكتسيونالدى نەيروحيرۋرگتار توبىنىڭ جەتەكشىسى:

- ءبىز كىشكەنە ەلەكتروتتاردى نەگىزگى گانگلەف اۋماعىنا 4 بولىممەن ورنالاستىرامىز. سوسىن ارنايى جالعانبالى كابەل ارقىلى ستيمۋلياتورعا جالعايمىز. بۇل ستيمۋياتور سول جاق ايماققا قوسىلادى دا كابەلمەن جالعانادى. بۇكىل وسى جۇيە باس تەرىسىنىڭ اسىنا ورنالاستىرىلادى. استانالىق نەيروحيرۋگتار ءالى دە تالاي جەتىستىكتەرگە جەتەتىندەرىنە سەنىمدى.

ال الداعى قىركۇيەكتە استانادا الەمنىڭ ءار تۇكپىرىنەن كەلگەن مىقتى نەيروحيرۋگتاردىڭ فورۋمى وتەدى.

اۆتورلار: جاندوس جۇمابەك، يۋليا زەمليانوۆا مەيرامبەك احماحانوۆ

24.kz

سوڭعى جاڭالىقتار