ەلوردادا پوليسيا كۇنى اتالىپ ءوتىلدى - فوتو

استانا. قازاقپارات - بۇگىن استانا قالاسىنىڭ ىشكى ىستەر دەپارتامەنتى «ستۋدەنتتىك» پاركىندە قازاقستان پوليسياسى كۇنىنە ارنالعان ءىس- شارا وتكىزدى، دەپ حابارلايدى استانا قالاسى ءى ءى د- نىڭ باسپا ءسوز قىزمەتى.
None
None

وندا ەلوردا تۇرعىندارى مەن قوناقتارى، سونداي- اق، پوليسيا جەكە قۇرامى مەن ولاردىڭ وتباسى مۇشەلەرى شاقىرىلدى.

قازاقستان پوليسياسى كۇنى قازاقستان پوليسياسىن قۇرعان جانە سول پوليسيا قاتارىندا ايانباي قىزمەت ەتىپ جۇرگەندەرگە العىس ءبىلدىرۋ كۇنى بولىپ سانالادى. پوليسيادا قىزمەت اتقارۋ - ادىلەتسىزدىكپەن شەكسىز كۇرەسۋ جولىندا، ءوز كاسىبىنە قاجەتتىلىكتى سەزىنەتىن ادامداردىڭ عانا قولىنان كەلەتىن كۇردەلى، سونىمەن قاتار، قاۋىپتى ەڭبەك جانە ول مول ىقتيارلىقتى تالاپ ەتەدى.

 قازاقستان پوليسياسى كۇنىن مەرەكەلەۋ پاترۋلدىك پوليسيا پولكى ەرلەر حورىنىڭ 10جىلدىعىمەن تۇسپا- تۇس كەلىپ وتىر. حوردىڭ قۇرامىندا كاسىبي مۋزىكانتتار مەن انشىلەر ورتاسىندا تانىمال بولىپ جۇرگەن پوليسەيلەر بار.

 حوردىڭ جەتەكشىسى - رەسپۋبليكالىق كونكۋرستاردىڭ جەڭىمپازى، قازاق ۇلتتىق ونەر ۋنيۆەرسيتەتىنىڭ كونسەرت مەيستەرى عاليا سادىموۆا. حوردىڭ ورىنداۋىندا «نۇر استانا» ، «پوليسيا مارشى» ، «سارباز پارىزى» اتتى اندەر شىرقالدى.

وسى شاراعا ءار ءتۇرلى كونكۋرستاردىڭ جەڭىمپازى، تالانتتى ۇجىم - استانا قالاسى ءى ءى د- ءنىڭ «جىگەر» فولكلورلىق ءانسامبلى دە ءوز ۇلەسىن قوستى. سونىمەن قاتار، باۋىرجان يسايەۆ، مەرۋەرت تۇسىپبەكوۆا، مارجان اراپبايەۆا سياقتى قازاقستان ەسترادا جۇلدىزدارى پوليسەيلەردى قۇتتىقتاپ، ءان شىرقادى. استانالىق فيلارمونيا مەن استانا سيركىنىڭ ارتىستەرى دە ءوز ونەرلەرىن ورتاعا سالدى.

مەرەكەلەۋ باعدارلاماسىندا ەلوردا اۋماعىندا جەدەل احۋالدى بەلسەندىرۋگە ات سالىسىپ جۇرگەن، «ارلان» ارنايى ماقساتتاعى ءبولىنىسى ساربازدارى كورىنىس قويدى. سونىمەن قاتار، قارۋ- جاراق، ارنايى ەكيپيروۆكا جانە تەحنيكانى جاساقتاۋ، سونداي- اق، «روبينسون - R-44» تىكۇشاعىنىڭ كورىنىسى ءوتتى.

 مەرەكەلىك باعدارلامادا قىزمەتتىك- ىزدەستىرۋ يتتەرىمەن بىرلەسىپ، كينولوگيالىق قىزمەت ورتالىعى كينولوگتارى كورىنىستەر قويدى. بۇگىندە، كينولوگيالىق قىزمەت ورتالىعىندا نەمىس، شىعىس- ەۋروپالىق، قاسقىر تۇقىمداس، كاسىبي دايىندالعان قىزمەتتىك يتتەرى بار ينسپەكتور- كينولوگتاردىڭ كاسىبي ۇجىمى جۇمىس ىستەۋدە. قىزمەتتىك- ىزدەستىرۋ يتتەرىنىڭ قاتىسۋىمەن ءار ءتۇرلى سيپاتتاعى قىلمىستىڭ كوپ سانى اشىلدى.

مەرەكەلەۋ اياسىندا سپورتتىق ءىس- شارالار دا ءوتتى: گير كوتەرۋ، قويان- قولتىق ۇرىس، دارتس تۋرنيرى، دوپتى قاعۋ، شاحماتتان وتەتىن بليتس- تۋرنير. جۇلدەلى ورىن العان جەڭىمپازدار باعالى سىيلىقتارمەن ماراپاتتالدى.

 بالالار ساۋىعى ءۇشىن دە الىپ ويىن الاڭى جابدىقتالدى. باتۋتتار، ات ۇستىندە سەرۋەندەۋ، استانا قالاسى قۋىرشاق تەاترى انيماتورلارىنىڭ جانە ەلوردا سيركى سايقىمازاقتارىنىڭ قاتىسۋىمەن قويىلعان ءتۇرلى سايىستار بالالاردى قىزىققا بولەدى.

2

02

سوڭعى جاڭالىقتار