ەلباسى جارلىعىمەن نۇرمۇحامبەت ابدىبەكوۆ قاراعاندى وبلىسىنىڭ اكىمى بولىپ تاعايىندالدى

***
«ن. ق. ابدىبەكوۆتى قاراعاندى وبلىسىنىڭ اكىمى قىزمەتىنە تاعايىنداۋ تۋرالى» جارلىق
نۇرمۇحامبەت قاناپيا ۇلى ابدىبەكوۆ قاراعاندى وبلىسىنىڭ اكىمى بولىپ تاعايىندالسىن.
قازاقستان رەسپۋبليكاسىنىڭ پرەزيدەنتى ن. نازاربايەۆ
استانا، اقوردا، 2014 - جىلعى 20 - ماۋسىم
№ 845
***
قاراعاندى وبلىسىنىڭ اكىمى بولىپ نۇرمۇحامبەت ابدىبەكوۆ تاعايىندالدى. ول وسى ۋاقىتقا دەيىن اقتوبە وبلىسى اكىمىنىڭ ورىنباسارى قىزمەتىن اتقارعان.
ول 2013 - جىلدان ايماقتى باسقارعان باۋىرجان ابدىشيەۆتىڭ ورنىنا كەلدى. جاڭا باسشىنى ايماق اكتيۆىنە ق ر پرەزيدەنت اكىمشىلىگىنىڭ باسشىسى نۇرلان نىعماتۋلين تانىستىردى.
بۇعان دەيىن وبلىستىق ءماسليحاتتىڭ كەزەكتەن تىس سەسسياسى ءوتىپ، وندا دەپۋتاتتار نۇرمۇحامبەت ابدىبەكوۆتىڭ كانديداتۋراسىن قولداعان بولاتىن.
نۇرمۇحامبەت ابدىبەكوۆ 1984 - جىلى ماسكەۋ تاۋ- كەن ينستيۋتىن تاۋ- كەن ينجەنەرى ماماندىعى بويىنشا ءتامامداپ شىققان. تەحنيكا عىلىمدارىنىڭ كانديداتى. ەڭبەك جولىن 1984 - جىلى شيلىساي فوسفوريت كەنىشىنىڭ شەبەرى، كەيىن تاۋ- كەن سەحىنىڭ باستىعى بولىپ باستاعان.
1996 - جىلدان باستاپ مەملەكەتتىك قىزمەتكە ارالاستى، اقتوبە، اتىراۋ وبلىستارىنىڭ اكىمدىكتەرىندە ءبىرقاتار باسشىلىق قىزمەتتەرگە تاعايىندالعان. 2004-2007 - جىلدار ارالىعىندا اقتوبە وبلىسى اكىمىنىڭ ورىنباسارى بولعان. وسى قىزمەتكە تاعايىندالماستان بۇرىن 2010 - جىلدان باستاپ ق ر يندۋستريا جانە ساۋدا ۆيسە- ءمينيسترى، اقتوبە قالاسىنىڭ اكىمى بولىپ جۇمىس ىستەگەن.