كورىپكەل قويان مەن تۇيە بۇگىن وتەتىن انگليا- ۋرۋگۆاي ماتچىنىڭ جەڭىمپازىن بولجاپ بەردى

كورىپكەل قويان انگليا قۇراماسى مەن ۋرۋگۋۆاي كومانداسىنىڭ اراسىنداعى ماتچتا كىمنىڭ جەڭىسكە جەتەتىنىن بولجاپ بەردى.
«19- ماۋسىمداعى ۋرۋگۆاي- انگليا اراسىنداعى ويىندا انگلياعا ءباسىمدى تىگەمىن»، - دەپ حابارلانعان كورىپكەل قوياننىڭ تۆيتتەرىندە.
ايتا كەتەيىك، برازيليالىق مۋنديال باستالعاننان بەرى بۇل قويان برازيليا - حورۆاتيا، گوللانديا - يسپانيا، يتاليا - انگليا، فرانسيا - گوندۋراس جانە يسپانيا - چيلي ماتچتارىنداعى جەڭىمپازدى ءدال بولجاپ بەرگەن ەدى.
ءا چ-2014 ماتچتارىنىڭ ناتيجەلەرىنىڭ تاعى ءبىر كورىپكەلى شاحين اتتى تۇيە دە بۇل ويىندا انگليا قۇراماسىنىڭ جەڭىسكە جەتەتىنىن بولجاپ وتىر. وسى ۋاقىتقا دەيىن شاحين التى بولجام جاساعان بولاتىن. تۇيە سونىڭ ەكەۋىندە عانا جاڭىلىستى، دالىرەك ايتقاندا، پورتۋگاليا گەرمانيانى جانە برازيليا مەكسيكانى جەڭەدى دەپ قاتەلەستى. بۇگىنگى بولجام - ونىڭ جەتىنشى رەت باعىن سىناپ كورۋى، دەپ حابارلايدى Vesti.kz.