كورەيا پرەزيدەنتىنىڭ العاشقى مەملەكەتتىك ساپارى ەكى جاقتى سەرىكتەستىكتىڭ جاڭا تاريحي ءداۋىرىن اشادى - ن. نازاربايەۆ

بۇل تۋرالى بۇگىن اقوردادا ەلىمىزگە الاشقى مەملەكەتتىك ساپارمەن كەلگەن كورەيا رەسپۋبليكاسىنىڭ پرەزيدەنتى پاك كىن حەمەن كەڭەيتىلگەن قۇرامداعى كەلىسسوزدەر بارىسىندا ەلباسى نۇرسۇلتان نازاربايەۆ ايتتى.
«مەن سىزدەردى قازاقستان جەرىندە قارسى العانىما قۋانىشتىمىن. كورەيا رەسپۋبيكاسى پرەزيدەنتىنىڭ العاشقى مەملەكەتتىك ساپارى قازاقستاندىق- كورەيلىك ستراتەگيالىق سەرىكتەستىكتىڭ جاڭا تاريحي ءداۋىرىن اشادى. بۇل - ءبىزدىڭ وسىمەن ەكىنشى كەزدەسۋىمىز ءارى ماڭىزدى جۇزدەسۋ» ، - دەدى ن. نازاربايەۆ.
ەلباسى ءوز سوزىندە كورەيا رەسپۋبليكاسىنىڭ قازاقستانعا تاقاۋ ورنالاسقانىن جانە ەكونوميكادا دا، ساياساتتا دا سترەتگيالىق سەرىكتەس ەكەنىن باسا ايتتى.
«ءبىز ءسىزدىڭ ەلىڭىزدە جاسالىپ جاتقان بارلىق جايتقا زور قۇرمەتپەن ءارى زەيىنمەن قارايمىز. سوندىقتان دا وسى ورايدى پايدالانا وتىرىپ، تاعى ءبىر مارتە قازاقستان اتىنان سيەۆول كەمەسىنىڭ اپاتقا ۇشىراۋىنا بايلانىستى كوڭىل ايتامىن» ، - دەدى مەملەكەت باسشىسى.
اۆتور: مارلان جيەمباي