ءانشى قايرات تۇنتەكوۆتىڭ ەسەپشوتتارىنا سوتتىڭ شەشىمىمەن تىيىم سالىندى

استانا. قازاقپارات - ءانشى قايرات تۇنتەكوۆتىڭ ەسەپشوتتارى سوتتىڭ شەشىمىمەن توقتاتىلدى.
None
None

وعان ءانشىنىڭ 2012 - جىلدىڭ جەلتوقسانىندا جول-كولىك وقيعاسىنا ۇشىراعان قىزعا قارىزىن قايتارماۋى سەبەپ.

«وعان قارىزدى ءوز ەركىمەن تولەۋگە مۇمكىندىك بەرىلدى، ءبىراق ول ونى ىستەمەدى. اقشانى تولەمەي، زاڭدى كۇشىنە ەنگەن سوت شەشىمىن ورىنداماۋ ءۇشىن نەشە ءتۇرلى سىلتاۋ ايتتى. قايرات تۇنتەكوۆتىڭ اتىنا راسىمدەلگەن كولىك تۇتقىندالدى»، - دەپ حابارلادى جول-كولىك وقيعاسىنا ۇشىراعان قىزدىڭ وكىلى ءزۇبايدا اسقاروۆا.

ونىڭ ايتۋىنشا، قازىرگى كەزدە قايرات تۇنتەكوۆ جول-كولىك وقيعاسىندا كەلتىرىلگەن 30 مىڭ ا ق ش دوللار شىعىننىڭ 25 مىڭىن تولەۋى كەرەك. «قازىر ول ەسەپشوتىنا سالىنعان تىيىمدى الىپ تاستاۋعا ارەكەتتەنىپ ءجۇر، ءبىراق قارىز وتەلمەيىنشە تىيىم الىنبايدى. ول كەزدەسۋگە ءوزى كەلمەيدى، اكەسى مەن ارت-ديرەكتورى كەلەدى. ول مۇلدەم كەلمەسە، ىزدەۋ جاريالانادى»، - دەيدى اسقاروۆا.

ەسكە سالايىق، قايرات تۇنتەكوۆ ءنازيرا ەسەنامانوۆاعا تيەسىلى Toyota Land Cruiser 100 كولىگىن زاقىمداعان. كەيىن سوت جول-كولىك وقيعاسى كەزىندە قايراتتىڭ جۇرگىزۋشى كۋالىگى مەن سەنىمحاتى بولماعانىن انىقتادى، وعان كولىك جۇرگىزۋ قۇقىعىنان 2  جىل 9 ايعا ايىرۋ جانە 40 تاۋلىككە اكىمشىلىك قاماۋعا الۋ جازاسى تاعايىندالدى.

تۇنتەكوۆ قاماۋدان بوساتىلعاننان كەيىن جابىرلەنۋشىگە وتەماقى تولەۋگە ۋادە بەردى، ءبىراق ونى ءالى كۇنگە دەيىن ورىنداماعان. كوكتەمدە تاعى دا سوت بولىپ، انشىدەن 4 ميلليون 180 مىڭ تەڭگە ءوندىرىپ الۋعا قاۋلى شىعارىلدى.

ءانشىنىڭ ءوزى ەشقايدا بوي تاسالاماعانىن، جابىرلەنۋشىگە شىعىندى مىندەتتى تۇردە وتەيتىنىن مالىمدەدى. ول تۇسكەن قارجىنى ەسەنامانوۆاعا بەرۋ ءۇشىن ادەيىلەپ كونسەرت تە وتكىزدى، ال ونىڭ ارىپتەستەرى قاراجات جيناپ بەردى. ءبىراق تۇنتەكوۆ جينالعان اقشادان باس تارتىپ، ونى ناۋقاس سابيگە سىيلادى.

بيىل قاڭتار ايىندا تۇنتەكوۆتىڭ اكەسى ونىڭ قارىزىن تۇگەل وتەۋگە ۋادە بەردى. اقپارات كوزى: tengrinews.kz

سوڭعى جاڭالىقتار