16:09, 18 - ماۋسىم 2014 | GMT +5
شۇعىل: الماتىداعى جانتۇرشىگەرلىك جول اپاتى - فوتو
استانا. قازاقپارات - الماتى قالاسىندا ءسۇيىنباي جانە رايىمبەك كوشەلەرىنىڭ قيىلىسىندا جول-كولىك اپاتى ورىن الدى.

20-25 جاس شاماسىنداعى ەكى جىگىت مىنگەن BMB كولىگى ەكى اۆتوبۋستى باسىپ وزعان. قاتتى جىلدامدىقپەن كەلە جاتقان (وقيعا كۋاگەرلەرىنىڭ ايتۋىنشا، شامامەن ساعاتىنا 100-150 ك م) جەڭىل اۆتوكولىكتىڭ جۇرگىزۋشىسى رولگە يە بولا الماي، جول شەتىندەگى باعاناعا سوعىلعان. سالدارىنان ەلەكتر جەلىلەرى ءۇزىلىپ كەتكەن.
زارداپ شەككەن ەكى ادامعا جەدەل جاردەم دارىگەرلەرى كومەك كورسەتتى. ونىڭ بىرەۋى وقيعا ورنىندا كوز جۇمدى، ال ەكىنشىسى اۋىر حالدە اۋرۋحاناعا جەتكىزىلدى.
قازىر وقيعا ورنىندا جول پوليتسياسى قىزمەتكەرلەرى جۇمىس جۇرگىزىپ جاتىر.
اۆتور: گۇلميرا عوسمانالي