استانا كۇنىندەگى كونسەرتتەردىڭ ەڭ قىمبات بيلەت باعاسى بەلگىلى بولدى

استانا. قازاقپارات - استانا كۇنىن مەرەكەلەۋ كۇندەرى وتەتىن كونتسەرتتەردىڭ ەڭ قىمبات بيلەتى 25 مىڭ تەڭگەگە دەيىن بارادى.
None
None

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە استانا قالالىق مادەنيەت باسقارماسىنىڭ باسشىسى بولات ماجاعۇلوۆ مالىمدەدى.

ونىڭ ايتۋىنشا، اقىلى شارالارعا ارنالعان بيلەتتەردىڭ قۇنى 1 مىڭنان 25 مىڭعا دەيىنگى ارالىقتا بولادى. ولاردى قالانىڭ كونسەرتتىك عيماراتتارىنىڭ كاسسالارىنان، ساۋدا ۇيلەرىندەگى ارنايى ورىنداردان ساتىپ الۋعا بولادى. سونداي- اق، بيىل شاقىرۋ بيلەتتەرى بولمايدى، ويتكەنى وسى جىلعى مەرەكەلىك شارالاردىڭ اقىلى تۇرلەرى ءوزىن- ءوزى اقتاۋعا ەكپىن بەرىلىپ وتىر.

سونىمەن قاتار، ب. ماجاعۇلوۆتىڭ ايتۋىنشا، مەرەكە كۇندەرى وتەتىن 70 كە جۋىق شارالاردىڭ كوبى تەگىن بولادى.

«ءبىز بىلتىرعى مەرەكەلىك شارالاردىڭ قورتىندىسى بويىنشا الەۋمەتتىك ساۋالناما جاساپ، بيىل نەگىزگى باسىمدىقتى كوشەدە وتەتىن شارالارعا بەرۋدى ءجون دەپ تاپتىق. سوندىقتان بيىل قالا ساياباقتارىنىڭ بارلىعىندا مەرەكە كۇندەرى ءىس- شارالار ۇيىمداستىرىلادى. ولارعا كەز كەلگەن ادام كەلە الادى» ، - دەدى ول.

 اۆتور: ءابۋ- اسقار مەكەش ۇلى

سوڭعى جاڭالىقتار