وڭتۇستىك جاستارىنا سولتۇستىك وقۋ ورىندارىنان گرانتتار بولىنەدى

قىزىلوردا. قازاقپارات - قازاقستاندا «ماڭگىلىك ەل جاستارى - يندۋسترياعا» اتتى مەملەكەتتىك باعدارلاما جۇزەگە اسىرىلا باستادى.
None
None

بۇل تۋرالى  «سىر مەديا» ج ش س جانىنداعى وبلىستىق كوممۋنيكاتسيا ورتالىعىنىڭ باسپا ءسوز ءماسليحاتىندا «ورلەۋ» ا ق ديرەكتورلار كەڭەسىنىڭ ءتوراعاسى مۇرات ابەنوۆ مالىمدەدى.

جاڭا جوبا وڭتۇستىك وبلىستاردىڭ جاستارىن ەلىمىزدىڭ سولتۇستىك، باتىس جانە شىعىس ايماقتارىندا ءبىلىم الۋىنا مۇمكىندىك بەرەدى.

«ماڭعىستاۋ، قىزىلوردا، وڭتۇستىك قازاقستان، جامبىل وڭىرلەرىندە دەموگرافيالىق كورسەتكىش جوعارى، الايدا جۇمىس ورىندارى تاپشى. پاۆلودار، شىعىس قازاقستان سياقتى ايماقتاردا كەرىسىنشە، زاۋىت، فابريكالار كوپتەپ سالىنىپ جاتقانمەن، كادر جەتىسپەيدى. باعدارلاما وسى ولقىلىقتىڭ ورنىن تولتىرۋدى كوزدەيدى» ، - دەيدى مۇرات ابەنوۆ.

بۇل ماقساتتا 7  جوعارى وقۋ ورنى ءۇشىن - 1000, 23 كوللەدج ءۇشىن 1000 گرانت بولىنگەن. باعدارلامانى جۇزەگە اسىرۋ ماقساتىندا قۇرىلعان رەسپۋبليكالىق ۇيلەستىرۋ كەڭەسىنىڭ بۇگىنگى كوشپەلى وتىرىسىندا تىزىمدەگى وقۋ ورىندارىنىڭ وكىلدەرى تولىق مالىمەت بەردى.  ۇ ب ت- دا تومەن ۇپاي جيناپ، تەگىن وقۋ مۇمكىنشىلىگىنەن قاعىلعان تالاپكەرلەر 22 - شىلدەگە دەيىن قىزىلوردا قالاسىنا كەلىپ، ءتيىستى قۇجاتتارىن وتكىزىپ، جولى بولعاندارى گرانت يەلەنە الادى. بۇل بۇرىن مەكتەپ ءبىتىرىپ كەتكەن جاستارعا دا قاتىستى. گرانت يەگەرلەرىنىڭ ءوزى تاڭداعان قالاعا پويىزبەن قاتىناۋى ءۇشىن جولاقىسى تولەنەدى.

«ودان بولەك، جاتاقحانامەن جانە اس- اۋقاتپەن قامتاماسىز ەتىلەدى. ال وقۋ بىتىرگەن سوڭ سول جاقتا نەمەسە وسىندا كەلىپ تە جۇمىسقا ورنالاسىپ كەتە الادى» ، - دەيدى «ورلەۋ» ا ق ديرەكتورلار كەڭەسىنىڭ ءتوراعاسى.

اۆتور: ەلۋباي اۋەزوۆ

سوڭعى جاڭالىقتار