اقسۋلىق ەگىز قىزدار ۇ ب ت ناتيجەسى بويىنشا «التىن بەلگىنى» يەلەندى

اپالى- سىڭلىلەردىڭ ءبىرى 117 بال جيناسا، ەكىنشىسى 113 بال جينادى. قالادا ەكى ەگىزدىڭ بىردەي التىن مەدال الۋى العاشقى رەت بايقالىپ وتىر، دەپ اتاپ ءوتتى ءبىلىم بولىمىنەن.
قىزدار جەرلەستەرىن بالا كەزدەرىنەن تاڭ قالدىرىپ كەلەدى. ءتورت جاستارىنان باستاپ ولار سپورتتىق اكروباتيكامەن اينالىسا باستاعان، وبلىستىق، رەسپۋبليكالىق جارىستاردىڭ جۇلدەگەرلەرى اتانعان. فاريزا - سپورتتىق اكروباتيكا بويىنشا سپورت شەبەرى، عازيزا - سپورت شەبەرلىگىنە ۇمىتكەر. ءبىرىنشى سىنىپتان باستاپ قىزدار وزات وقۋشىلار اتانعان. سوڭعى 2 جىلدارىن ولار تەك بىلىمگە ارناپ، باستى ەمتيحان - ۇ ب ت- عا دايىندالعان. ولارعا اناسى تاريح ءپانىنىڭ مۇعالىمى جۇلدىز بەن اكەلەرى ەرلان، ىنىلەرى ماحامبەت قولداۋ كورسەتتى.
مەكتەپ ءبىتىرۋ كەشىندە وبلىس اكىمى ەگىزدەرگە «التىن بەلگىنى» تابىستادى. ءسويتىپ ولار ءۇشىن كاسىپتى تاڭداۋ جولى اشىلدى. فاريزا - ەكونوميست، ال عازيزا - دارىگەر بولۋدى ارماندايدى.
ءبىلىم بەرۋ ءبولىمىنىڭ اقپاراتىنا سۇيەنسەك، اقسۋ مەن ونىڭ اۋىلدىق وكرۋگتەرىندە بيىلعى جىلى 393 تۇلەك مەكتەپ ءبىتىردى، ولاردىڭ 285 ءى ۇ ب ت- دان ءوتىپ، ورتاشا 84,89 بال جينادى. 9 تۇلەك «التىن بەلگى» يەگەرى اتاندى.
ايتا كەتەيىك، تەستىلەۋ ناتيجەسى بويىنشا پاۆلودار وبلىسى بويىنشا 1- ورىندى يەلەندى.