ازاماتتىق قىزمەتكەرلەرگە جالاقى جاڭا جۇيە بويىنشا تولەنبەك

ق ر ەڭبەك جانە حالىقتى الەۋمەتتىك قورعاۋ مينيسترلىگى ازاماتتىق قىزمەتشىلەرگە ەڭبەكاقى تولەۋ جۇيەسىنىڭ جاڭا ۇلگىسىن ەنگىزبەك.
بۇل تۋرالى بۇگىن ق ر پارلامەنتى ءماجىلىسىنىڭ الەۋمەتتىك-مادەني دامۋ كوميتەتىنىڭ وتىرىسىندا ءمالىم بولدى.
ۆەدمستۆو وكىلدەرىنىڭ ايتۋىنشا، جاڭا جۇيە بويىنشا ەڭبەكاقى تولەۋگە بيۋدجەتتەن قوسىمشا 139 ميلليارد. 461 ميلليون تەڭگە قاجەت. اتالعان جۇيە ۇستازدار مەن دارىگەرلەر ەڭبەگىنىڭ مارتەبەسىن كوتەرەدى.
ايتالىق، جوعارى ساناتتاعى ۇستازدىڭ نەگىزگى ەڭبەكاقىسى كەلەر جىلدىڭ ءبىرىنشى شىلدەسىنەن 92 مىڭ تەڭگەگە جۋىقتايدى. سونداي-اق بىلىكتىلىگىن جوعارلاتاتىن بولسا، ۇستىنە ۇستەماقى قوسىلادى.
نەگىزگى ەڭبەكاقى بويىنشا ءوسىم 33 پايىزدى قۇرايتىن بولادى.
گۇلنار الىمبەكوۆا، ق ر ەڭبەك جانە حالىقتى الەۋمەتتىك قورعاۋ مينيسترلىگى ىشكى باقىلاۋ دەپارتامەنتىنىڭ ديرەكتورى:
- قازىر مىسالى، بىلىكتىلىگى جوعارى دارىگەرگە ۇستەماقى بار. ول دۇرىس ەمەس، ءاربىر مامان ءوز بىلىكتىلىگىنە قاراي ۇستەماقى ەمەس، جالاقى الۋ قاجەت. ءار كاتەگوريانىڭ ءوز كوەففيتسەنتى بولادى. ەگەر دارىگەر ءوز ءبىلىمىن جوعارلاتاتىن بولسا، سوعان ساي جوعارى جالاقى الاتىن بولادى.
24.kz