استانانىڭ جولدارى نەگە توزا بەرەدى؟
اتاپ ايتقاندا، پروبلەمالىق ۋچاسكەلەردە جۇكتەمەنى ازايتۋ، شاعىن اينالما جول سالۋ، جاڭا جولدار سالىپ، ەسكىلەرىن قالپىنا كەلتىرۋ، تۇرعىن الابتارىندا جول ينفراقۇرىلىمىن دامىتۋ، سونداي- اق كوشەلەردى ورتاشا جوندەۋ، دەپ جازادى astana.gov.kz.
جولدار نەگە توزادى؟ ونىڭ نەگىزگى ءۇش سەبەبى بار: جولدارمەن جۇك كولىكتەرىنىڭ ءجۇرۋى، جەر استى سۋلارىنىڭ جاقىن ورنالاسۋى جانە بۇدىرلى شينالار (ماشينا دوڭعالاعى). سوڭعىسى كوپ جىلدان بەرى قىزۋ تالقىعا ءتۇسىپ ءجۇر. كەيبىر مەملەكەتتەردە بۇدىرلى شينالاردى پايدالانۋعا تىيىم سالىنسا، باسقالارى جاي عانا شەكتەۋ قويىپ، جول جابىنىنىڭ ءبۇلىنۋىن ازايتۋ ماقساتىندا جەڭىل بۇدىرلاردى قولدانۋعا رۇقسات ەتكەن.
بۇدىرلى شينالار ەلوردالىق جولداردىڭ توزۋىنا اسەر ەتەتىن سەبەپتەردىڭ ىشىندە ءۇشىنشى ورىندا. كوپ جاعدايدا جول جابىنىن اۋىر جۇك تاسىمالدايتىن كولىكتەر بۇلدىرەدى.
استانا جاس قالا، باس جوسپارعا سايكەس ونىڭ شەكاراسى ءالى تولىق قالىپتاسقان جوق. بۇگىنگى تاڭدا ەلوردادا 1300 نىسان سالىنىپ جاتىر. تاۋلىك بويى اۋىر جۇك تاسىمالدايتىن كولىكتەر (بەتون ارالاستىرعىش ماشينا، كوتەرمە كراندار، كامازدار) كەلىپ- كەتىپ جاتادى. ولار جىلىنا 2 ميلليونعا جۋىق رەيس جاسايدى ەكەن.
كولىك قۇرالى نەعۇرلىم اۋىر بولسا، جول جابىنى سوعۇرلىم تەز توزادى. ونىڭ ۇستىنە استانا ماڭىنان اعىندى جەر استى سۋلارى وتەدى. ەلوردادا جول قۇرىلىسى بارىسىندا جەرگىلىكتى جەردىڭ بارلىق گەولوگيالىق ەرەكشەلىكتەرى ەسكەرىلسە دە، پايدالانۋ كەزىندە جەر استى سۋلارىنىڭ جول جابىنىنىڭ ساپاسىنا اسەرى ساقتالادى.
