قازاقستان ءومىر ءسۇرۋ دەڭگەيى جاعىنان قىتايدان اسىپ ءتۇستى

استانا. قازاقپارات -  الەمدەگى ءومىر ءسۇرۋ دەڭگەيى بويىنشا قازاقستان ەلۋ ەلدىڭ قاتارىنا ەندى.

 Legatum Institute ينستيتۋتى جاسايتىن جىلداعى كورسەتكىش بويىنشا، ءبىزدىڭ ەلىمىز قىتاي (51) ، گرەتسيا (54) ، جانە اراب امىرلىگىن (50) باسىپ وزىپ، 47- ورىندى يەلەندى.

رەيتينگتە قازاقستاننىڭ قاسىنان برازيليا 46 - ورىن جانە لاتۆيا 48- ورىندى تەپتى. تىزىمدە رەسەي 61- ورىندا تۇر. ايتا كەتسەك، قازاقستان 2011 - جىلمەن سالىستىرعاندا جوعارى دەڭگەيگە كوتەرىلدى. 2011 - جىلى ءبىز 50 - ورىندا بولساق، 2012 -جىلى الەم بويىنشا 46- ورىنعا جايعاسقان بولاتىنبىز.

 Legatum Institute رەيتينگ جاساۋ بارىسىندا تەك ستاتيستيكالىق كورسەتكىشتەردى عانا ەمەس (ەكونوميكالىق، كليماتتىق جانە ت. ب) ساۋالعا جاۋاپ بەرگەن تۇرعىنداردىڭ جاۋاپتارى قاراستىرىلدى. مەملەكەتتە ازاماتتاردىڭ تۇرۋ جاعدايلارى، الەۋمەتتىك ءومىر، بيزنەستى دامىتۋداعى شارتتار، سەرۋەندەۋ ەركىندىگى، سونىمەن قاتار، تۇرعىنداردىڭ ءبىر- بىرىمەن جانە شەتەل ازاماتتارىمەن قارىم- قاتىناسى سياقتى ولشەم بويىنشا ساۋالدار قويىلعان» ، - دەلىنگەن 7sekretov.ru  سايتىنداعى حابارلامادا.

الماتى- ت ۆ