كورنەكتى قازاق اكتەرى اسانالى ءاشىموۆ تۋعان جەرىندە بولدى

تاراز. قازاقپارات - تارازدا، قازاقستاننىڭ تەاتر جانە كينو ءارتىسى اسانالى ءاشىموۆتىڭ مۇراجايىندا جامبىل وبلىسىنىڭ جاستارى مەن شىعارماشىل زيالى قاۋىم وزدەرىنىڭ اتاقى جەرلەسىمەن كەزدەستى. بۇل تۋرالى وبلىستىق مادەنيەت باسقارماسىنان حابارلادى.
None
None

سارىسۋ اۋدانىنىڭ شاعىن عانا اۋىلىنىڭ تۋماسى، وتاندىق مادەنيەت ماقتانىشى اسانالى ءاشىموۆ ءوزىنىڭ قۇرمەتىنە كوزى ءتىرى كەزىندە مۇراجاي اشىلعان بىردەن- ءبىر قازاق اكتەرى ەكەنىن ايتىپ ءوتتى.

اسانالى ءاشىموۆتىڭ شىعارماشىلىق ورتالىعى 2008 - جىلى تارازداعى قالالىق كينوكونسەرت زالىندا اشىلعان بولاتىن، ونىڭ ەكسپوزيتسياسىندا قازاقستاندىق كينەماتوگراف مەترىنىڭ ءوزى تارتۋ ەتكەن ساحنالىق كوستيۋمدەرى، رەكۆيزيتتەر، سيرەك فوتوسۋرەتتەر بار.كەزدەسۋ كەزىندە اسانالى ءاشىموۆتىڭ قاناتتى سوزدەرى توپتاستىرىلعان «ابىز اكتەر» كىتاپشاسىنىڭ تانىستىرىلىمى بولدى.   

  اكتەردىڭ تالانتىن قۇرمەتتەيتىن ونەرسۇيەر قاۋىم مۇراجايدىڭ جاڭا ەكسپوناتى - ونىڭ كوركەم پورترەتىن سىيعا تارتتى.   
  
تاراز تۇرعىندارىمەن كەزدەسۋدەن كەيىن اسانالى ءاشىموۆ ءوزىنىڭ تۋعان اۋىلى بايقادامعا تارتتى، ونىڭ ايتۋىنشا، اكتەردىڭ تۋىستارى مەن جاقىندارى جەڭىس كۇنىنە ءبىر اي قالعاندا ۇلى وتان سوعىسىنىڭ ۇرىس دالاسىندا كوز جۇمعان ونىڭ اكەسىنىڭ قۇرمەتىنە اس بەرىپ جاتقان كورىنەدى.   
 
تەاتر جانە كينو رەجيسسەرى، م. اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ اكتەرى، ك س ر و حالىق ءارتىسى، قازاقستان رەسپۋبليكاسىنىڭ حالىق ءارتىسى اسانالى ءاشىموۆ كوپتەگەن ماراپاتتارمەن قاتار، بۇكىل بۇرىنعى كەڭەستىك كەڭىستىك كورەرمەندەرىنىڭ سۇيىسپەنشىلىگىنە بولەنگەن.    

 ا. ءاشىموۆ ستۋدەنت كەزىندە كينوعا تۇسكەن، ال ناعىز تانىمالدىلىق ول شاكەن ايمانوۆتىڭ «اتاماننىڭ اقىرى» فيلمىندە باستى ءرولدى سومداعاننان كەيىن كەلدى. بۇل لەنتا چەكيست شادياروۆ  تۋرالى تريلوگيانىڭ باستاۋى، ءاشىموۆ تالانتىنىڭ جارقىراپ كورىنگەن ءساتى بولدى. 1977 - جىلى شىققان «ترانس ءسىبىر ەكسپرەسى» فيلمى دە كورەرمەندەردىڭ زور ىقىلاسىنا يە بولدى. 1974 - جىلى اسانالى اشىموۆكە تەاترداعى جەمىستى شىعارماشىلىق ىزدەنىستەرى ءۇشىن ك س ر و مەملەكەتتىك سىيلىعى بەرىلدى. تەاتر مەن كينوداعى رولدەرىمەن قاتار ا. ءاشىموۆ ت. جۇرگەنوۆ اتىنداعى قازاق ۇلتتىق ونەر اكادەمياسىندا ۇستازدىق ەتەدى.

 قازاق جانە الەم مادەنيەتىنە قوسقان ۇلەسى ءۇشىن ا. ءاشىموۆ ءبىرقاتار بەدەلدى جانە قوعامدىق ماراپاتتاۋلارعا يە بولدى. سولاردىڭ ءبىرى - الەمدىك كينوعا سىڭىرگەن ەڭبەگى ءۇشىن بەرىلگەن يۋنەسكو حالىقارالىق اكادەمياسىنىڭ «التىن قىران» وردەنى. ول رەسەي فەدەراتسياسىنىڭ لومونوسوۆ وردەنىنىڭ يەگەرى. 2008 - جىلى كۇن جۇيەسىندەگى جۇلدىزداردىڭ ءبىرى اسانالى ءاشىموۆتىڭ ەسىمىمەن اتالدى.   

سوڭعى جاڭالىقتار