استانا اكىمى قۇرىلىسشىلارمەن كەزدەسۋ وتكىزدى

 استانا. قازاقپارات - بيىلعى جىلى استانادا 8 جاڭا مەكتەپ جانە 11 بالاباقشا سالىنادى، سونداي- اق مەملەكەتتىك باعدارلاما بويىنشا 10 ءۇي سالىنۋدا. جۇمىس بارىسىن باقىلاۋ ءۇشىن قالا اكىمى يمانعالي تاسماعامبەتوۆ قالا قۇرىلىسشىلارىمەن كەزدەسىپ، ولارعا ءبىرقاتار نۇسقاۋلار بەردى، دەپ حابارلادى astana.kz.
None
None

 «سىزدەردەن سۇرايتىنىم، مۇنىڭ ءبارى قالانىڭ ساۋلەتتىك كەلبەتىنە سايكەس بولسىن. بۇل ارادا بىرەسە ءبىر ءستيلدى، ەكىنشىسى ەكىنشى ءستيلدى تاڭداۋدىڭ قاجەتى جوق. سوندىقتان ءبىز ءاربىر نۇسقانى قارايمىز، ارينە ەسكەرتۋ جاسايمىز، سىزدەر ونى دۇرىس تۇسنىڭىزدەر» ، - دەدى استانا قالاسىنىڭ اكىمى.

استانا ءوزىن- ءوزى قامتاماسىز ەتە الاتىن ءىرى ەكونوميكالىق ايماققا اينالىپ كەلەدى. ال، ەكونوميكانىڭ دامىعانى قالا قۇرىلىسىنا وڭ اسەر ەتەدى. ونى قالاعا كورىك قوسقان ءزاۋلىم عيماراتتاردىڭ ساۋلەتىنەن سارالاپ، كوكپەن تالاسقان تۇرعىن ۇيلەرگە قاراپ- اق باعامداي بەرۋگە بولادى. قازىر مەكتەپ پەن بالاباقشا، مەديسينالىق مەكەمەلەردىڭ قۇرىلىسىن ايتپاعاندا بويىنا قان جۇگىرگەن ەكسپو كورمەسىنىڭ قۇرىلىسى قالا باسشىلىعىنىڭ ءجىتى قاداعالاۋىندا. ەلوردا اكىمى يمانعالي تاسماعامبەتوۆ 2017 - جىلعا دەيىن قۇرىلىسى اياقتالۋى ءتيىس ءبىرقاتار نىسانداردى ارالاپ كوردى.

 ەلوردانىڭ دامۋ ماسەلەلەرى مەن قالانىڭ باس جوسپارىن دامىتۋ جونىندە تاپسىرما بەرگەن استانا اكىمى اتقارار ناقتى مىندەتتەرگە توقتالىپ، مەردىگەرلەردىڭ دە تىلەكتەرىن تىڭدادى. سونداي- اق، ول كولىك جانە ينجەنەرلىك ينفراقۇرىلىم ماسەلەسىنىڭ تۇگەلدەي شەشىلىپ، ەندىگى جۇك قۇرىلىس كومپانيالارىنا ارتىلعانىن ەسكەرتتى. كەزدەسۋ ناتيجەسىندە قالا باسشىلىعى مەن مەردىگەرلەر ۋاقىتتى وزدىرماي، قالا كوركىن توزدىرماي، داۋلەتى جاراسقان قالادا ساۋلەتتى عيماراتتار پايدا بولادى دەپ ۋاعدالاستى.

سوڭعى جاڭالىقتار