قازاقستاندىقتاردىڭ ەۋرازيالىق ەكونوميكالىق وداققا مۇشە بولۋعا بايلانىستى كوزقاراسى
قازاقستاننىڭ ەۋرازيالىق ەكونوميكالىق وداققا (ە ا ە و) مۇشە بولۋىنىڭ جاعىمدى جاقتارىن انىقتاۋدا رەسپوندەنتتەر تاۋاردىڭ ساپاسى جاقسارىپ، نارىقتاعى باسەكەلەستىك ناتيجەسىندە باعا تومەندەيدى (20 پايىز) ، وتاندىق وندىرۋشىلەر تاۋارلارىنىڭ نارىقتاعى وتىمدىلىگى ارتادى (13 پايىز) جانە ق ر ازاماتتارى ءۇشىن ۇلكەن مۇمكىندىكتەر اشىلادى (14پايىز) دەگەن جاۋاپتاردى تاڭدادى.
17 پايىزى ە ا ە و- عا مۇشە بولۋدى رەسەي، بەلارۋس جانە بولاشاقتا وداققا مۇشە بولاتىن ەلدەر اراسىنداعى ەكونوميكالىق ينتەگراتسياعا ۇلكەن مۇمكىندىك دەپ ەسەپتەيدى.
بۇل پىكىرگە رەسپوندەنتتەردىڭ (ساۋالناماعا قاتىسۋشىلاردىڭ) 5,5 پايىزى قارسى. ولار قازاقستاننىڭ بۇل وداققا مۇشە بولۋى ەل ەكونوميكاسى ءۇشىن ءتيىمسىز ەكەنىن ايتپاعاندا، قازاقستاننىڭ تاۋەلسىزدىگىنە قاۋىپ ءتوندىرۋى مۇمكىن دەيدى.
ولاردىڭ كوپشىلىگى قازاقستان وداققا مۇشە وزگە ەلدەرگە تاۋەلدى بولۋى مۇمكىن. ول ءبىزدىڭ ەكونوميكالىق جاعدايىمىزعا ءتيىمسىز (11 پايىز) ، وتاندىق وندىرۋشىلەر تاۋارلارى ءۇشىن باسەكەلەستىك كۇشەيەدى (8 پايىز) ، وزگە ەلدەرمەن تاۋار اينالىم تومەندەيدى. ناتيجەسىندە، ونىمدەرىنىڭ باعاسى قىمباتتايدى (11 پايىز) دەپ سانايدى ەكەن.
ال، رەسپوندەنتتەردىڭ 7,5 پايىزى ە ا ە و ەكونوميكانىڭ جەكە سالالارىنىڭ دامۋىنا پايداسىن تيگىزۋى مۇمكىن. الايدا، قاراپايىم ازاماتتار ءۇشىن ەشقانداي پايداسى جوق دەپ ەسەپتەيدى.
رەسپوندەنتتەردىڭ قالعان بولىگى (13,5 پايىز) ب ا ق- تا جاريالانعان ە ا ە و- نىڭ بولاشاعى جايلى جاعىمدى اقپاراتتارعا سەنگەندىكتەن، بەيتاراپ پىكىردى ۇستانادى. ال، ساۋالناماعا قاتىسقانداردىڭ 13 پايىز «ماعان ءبارىبىر» دەگەن جاۋاپتى تاڭدادى.
ساۋالناماعا قاتىسقان قازاقستاندىقتاردىڭ كوپ بولىگى (84 پايىز) قازاقستاننىڭ ەۋرازيالىق ەكونوميكالىق وداققا مۇشە بولعانى جايلى حاباردار. قالعان 16 پايىزى بۇل جايلى ەستىمەگەن جانە مۇنداي جاڭالىقتارعا مۇلدە قىزىقپايدى.
ايتا كەتەرلىگى، ساۋالناماعا استانا، الماتى قالالارى مەن قازاقستاننىڭ 14 وبلىس ورتالىعىنان 16 جاستان اسقان 1600 ادام قاتىستى.
اۆتور: گۇلميرا عوسمانالي
