ءا. جاقسىبەكوۆ: ەتنوسارالىق قاتىناستى زەرتتەۋ ماڭىزدى ماسەلە

استانا. قازاقپارات - ەتنوسارالىق قاتىناستى زەرتتەۋ ماڭىزدى ماسەلە. بۇگىن اقوردادا قازاقستان حالقى اسسامبلەياسى عىلىمي-ساراپشىلىق كەڭەسىنىڭ كەڭەيتىلگەن وتىرىسىندا ق ر مەملەكەتتىك حاتشىسى ادىلبەك جاقسىبەكوۆ وسىلاي دەدى.
None
None

«21 عاسىر - عىلىم عاسىرى. بۇگىنگى زاماندا بارلىق جۇمىسقا عىلىمي نەگىز كەرەك. ەل دامۋىنا قاجەتتى ءاربىر جوباعا ساراپتاما جاسالۋى ءتيىس. سونىڭ ىشىندە ەتنوسارالىق قاتىناستى زەرتتەۋ ماڭىزدى ماسەلە.

سوڭعى جىلدارى الەمدە بولىپ جاتقان وزگەرىستەردى بىلەسىزدەر. ەڭ باستىسى، ءار مەملەكەت ءۇشىن تۇراقتىلىق قاجەت. ال تاتۋلىق بار جەردە ەل داميدى، ەكونوميكا وسەدى. سوندىقتان ەلباسى بۇل ماسەلەگە ەرەكشە نازار اۋدارىپ كەلەدى. بۇل باعىتتا پرەزيدەنت وتاندىق عالىمداردىڭ الدىنا ۇلكەن مىندەت جۇكتەپ وتىر. بۇل مىندەتتەر «قازاقستان-2050» ستراتەگياسىندا ناقتى كورسەتىلگەن»، - دەدى مەملەكەتتىك حاتشى.

وتىرىس بارىسىندا ق ح ا قىزمەتىن عىلىمي-ساراپشىلىق سۇيەمەلدەۋ، ەل بىرلىگى مەن قوعامدىق كەلىسىم سالاسىندا جانە قازاقستانداعى ەتنوسارالىق احۋالدىڭ قازىرگى جاعدايىنا عىلىمي زەرتتەۋلەر جۇرگىزۋ، ەتنوارالىق قاتىناستار سالاسىنداعى عىلىمي ساياساتتى ازىرلەۋ ءۇشىن ۋنيۆەرسيتەت ارالىق ىنتىماقتاستىقتى قامتاماسىز ەتۋ جونىندەگى مەملەكەت باسشىسىنىڭ تاپسىرمالارىن ىسكە اسىرۋ ماسەلەلەرى تالقىلاندى.

كەڭەس جۇمىسىنا پرەزيدەنت اكىمشىلىگىنىڭ باسشىلىعى، ق ر پارلامەنتى دەپۋتاتتارى، مينيسترلىكتەر مەن ۆەدومستۆولاردىڭ وكىلدەرى، عىلىمي-ساراپشىلىق توپتاردىڭ باسشىلارى قاتىستى.

اۆتور: مارلان جيەمباي

سوڭعى جاڭالىقتار