برازيليا قانداي ەل؟

ال بارشانىڭ باتاسىن العان برازيليا قانداي ەل؟ برازيليانىڭ رەسمي تولىق اتاۋى - برازيليا فەدەراتيۆتى رەسپۋبليكاسى.
وڭتۇستىك امەريكاداعى جەر كولەمى جانە حالقىنىڭ سانى جاعىنان ۇلكەن، ايماقتاعى پورتۋگالتىلدەس بىردەن-ءبىر ەلى.
يرلاند ميفولوگياسى بويىنشا برازيليا اتاۋى - «اتلانت مۇحيتىنداعى اڭىزعا اينالعان جەر» دەگەن ماعىنا بەرەدى.
برازيليانى 1500 - جىلى 24 - ساۋىردە پورتۋگالدىق تەڭىزشى پەدر الۆارەش كابرال اشقان.
1763 - جىلى ريو-دە-جانەيرو استانا رەتىندە جاريالاندى.
بۇل مەملەكەت وڭتۇستىك امەريكاداعى 11 ەلمەن شەكتەسەدى. 1822 - جىلى تاۋەلسىزدىگىن جاريالاعانعا دەيىن برازيليا يمپەريا رەتىندە تانىلعان. 1889 - جىلى رەسپۋبليكا بولىپ جاريالاندى.
الەمدە ەكونوميكا جاعىنان جوعارعى كورسەتكىشكە يە، جالپى ىشكى ءونىم وندىرۋدەن جەتىنشى ورىن الاتىن برازيليا تۇتىنۋ مۇمكىندىگى جاعىنان دا تاڭداۋلى مەملەكەت قاتارىندا.
شىن مانىندە برازيليا - اڭىزعا اينالعان ايماق. تابيعاتىمەن تامساندىرعان جەردىڭ ىستىق اۋا رايى دا، تولقىنى تەربەلگەن تەڭىز جاعالاۋى دا قىزىقتىرماي قويمايدى.
برازيليادا تال-داراقتىڭ 4000 ءتۇرى وسسە، قاتتى اعاشتار كولەمى جاعىنان دۇنيەجۇزىندە ءبىرىنشى ورىندا. ماڭگى جاسىل ايماقتى كورۋدى دە وسى ەلگە جازعان. ولاردىڭ اراسىندا ەش جەردە كەزدەسپەيتىن وسىمدىك تۇرلەرى دە بار.
وسىمدىك اتاۋلىنىڭ رەڭىن اشقان قۇستاردىڭ - 77 ءتۇرى، بالىقتاردىڭ - 3000 ءتۇرى ۇشىراساتىن ەل جەر شارىندا تابيعات الۋاندىلىعى جاعىنان جوعارى ورىندا.
برازيليادا 202,657 ميلليون ادام تۇرادى، حالقىنىڭ كوپتىگى جاعىنان الەمدە 5-ورىندا. ورتاشا ءومىر ءسۇرۋ ۇزاقتىعى ەرلەردە - 69، ايەلدەردە - 79 جاس. ەتنوۇلتتىق جاعىنان دا ەرەكشەلەنەتىن ەلدە سوڭعى جىلدارى ارالاس نەكە كۇرت كەمىگەن.
رەسمي جانە ەڭ تانىمال ءتىل - پورتۋگال ءتىلى. ءدىن جاعىنان ەڭ نەگىزگىسى كاتوليكتەر - 73,6، پروتەستانتتار - 15,4 پايىزدى قۇرايدى (حالىقتىڭ 64 پايىزى كوتوليكتەر، 22 پايىزى پروتەستانتتار).
IBGE دەرەكتەرىنە قاراعاندا، 12,5 ميلليون ادام اتەيست نەمەسە وزگە ءدىني اعىمدارعا مۇشە.
ەل ساۋاتتىلىعى - 90 پايىز. قالا تۇرعىندارى - 86 پايىز.
برازيليا الەمدىك مۇراعا جاتاتىن ريو-دە-جانەيروداعى حريست-قۇتقارۋشى ستاتۋياسىمەن دە تانىمال.
بۇل ەلدە 27 مىڭ مۇسىلمان تۇرادى. ولاردىڭ اراسىندا قازاقتار جوق.
1958 - جىلى برازيليا العاش رەت فۋتبولدان الەم چەمپيونى اتاندى.
1999 - جىلى ەڭ ءىرى قارجى داعدارىسى بولدى. سوعان قاراماستان برازيليالىقتار قيىندىقتىڭ ءبارىن جەڭە ءبىلدى.
برازيليادا پرەزيدەنتتىك باسقارۋ فورماسى ەنگىزىلگەن. ول 4 - جىلدا ءبىر رەت سايلانادى. جوعارى زاڭ شىعارۋشى ورگان - ەكى پالاتادان تۇراتىن ۇلتتىق كونگرەسس فەدەرالدى سەنات (81-ورىن) جانە دەپۋتاتتار پالاتاسى (513-ورىن) .
الەمدەگى كوفەنىڭ 35 پايىزى وسىندا وندىرىلەدى.
2008 - جىلى كەدەيشىلىك 25,9 پايىزدى قۇراسا، سوڭعى جىلدارى بۇل كورسەتكىش كۇرت كەمىگەن.
نەگىزگى ا ق ش، ارگەنتينا، نيدەرلاند، گەرمانيا جانە قىتايمەن ساۋدا-ساتتىعى قارقىندى دامىعان.
ەل مادەنيەتى حالىقتاردىڭ تاريحي داستۇرىنە نەگىزدەلگەن. بۇل جەردەن ءۇندىنىڭ دە، افريكالىقتاردىڭ دا مۋزىكاسىن، ءريتمىن، ەۋروپالىقتارعا ءتان جانردى بايقاۋعا بولادى. برازيليالىقتار اسىرەسە، سامبا ءبيىن ناشىنە كەلتىرىپ ورىندايدى.
ساۋلەت ونەرى دە كەرەمەت وركەندەگەن. وسكار نيمەيەر جانە لۋيزيو كوستو جاساعان ساۋلەت ارقىلى دامىعان قالالار جەر شارىندا وزىندىك قولتاڭباسىن قالدىردى.
بارىنەن قىزىعى، برازيليا فۋتبول ارقىلى تانىمال. تۇرعىندارىنىڭ 74 پايىزى فۋتبولمەن شۇعىلدانادى. ەل كومانداسى 5 رەت الەم چەمپيونى بولعان.
اۆتور: دۋاناباي جولداسبەك
«ايقىن»