قازاق الپينيستى ا ق ش-تىڭ ەڭ بيىك شىڭىن باعىندىردى

سپورتشى الياسكادان ورالىسىمەن نيۋ-يوركتەگى قازاقستاننىڭ باس ەلشىلىگىندە جانكۇيەرلەرمەن جۇزدەستى. دەنە تۇرقى تالدىرماش قانا كەلگەن، ايتسە دە، اسا بايىپتى سپورتشى بيىكتىگى 8 مىڭ مەتردەن اساتىن الەمدەگى 14 شىڭنىڭ بارلىعىن باعىندىرعان.
ەۆەرەست، ك-2، انناپۋرنا، كانچەندجانگا، ماكالۋ، دحاۋلاگيري سىندى اتاقتى اسقار تاۋلاردىڭ توبەسىنە ورمەلەگەن.
قازاق الپينيسى ماقسۇت جۇمايەۆ بۇل شىڭدارعا شىققاندا ارنايى ىدىستاعى وتتەگىنى قولدانبادى. مۇنداي سپورتشىلار جەر شارىندا ساناۋلى عانا. شىرقاۋ شىڭعا ورلەگەن ءاربىر ساپار - ناعىز ەرلىك پەن تاۋەكەلدىڭ ناتيجەسى. «ەلىمىزدىڭ كوك بايراعىن الەمنىڭ بۇكىل بيىك نۇكتەلەرىندە جەلبىرەتەم»، - دەگەن ماقسۇت جۇمايەۆ ارمانىنا جەتىپ كەلەدى.
ماقسۇت جۇمايەۆ، الپينيست:
- بيىكتىككە ۇمتىلعانداعى باستى ماقساتىم - ءبىزدىڭ الماتىدا قىسقى ۋنيۆەرسيادا وتەتىنىن كۇللى الەمگە كورسەتۋ. سونىڭ جالاۋى وسى شىڭعا قادالسىن دەدىم. سولتۇستىك امەريكانىڭ ەڭ بيىك نۇكتەسىنە شىعىپ، وعان قازاقستاننىڭ تۋىن ءىلۋ مەنىڭ قولىمنان كەلدى.
الپينست اسقارلاردى اڭساماي تۇرا المايدى. ەندى ءبىر ايدان كەيىن جول سومكەمدى ءىلىپ، قازاقستاننىڭ ەڭ بيىك شىڭى حان تاڭىرىنە ورلەمەكپىن.
قازاقستاننىڭ الپينيزم مەكتەبى بۇكىل الەمگە بەلگىلى. اتاپ ايتساق، سوناۋ 1980 - جىلدارى ەۆەرەست پەن وزگە دە شىڭداردى باعىندىرعان كەڭەس قۇراماسىنىڭ باسىم بولىگى ءبىزدىڭ سپورتشىلار ەدى.
سول داۋىردە ماقسۇت ءوزىنىڭ سپورتتاعى ساپارىن باستادى. ال نيۋ-يوركتە سپورتشى الەمگە اتى ايگىلى الپەنيست ۆالەري حريشاتىيدىڭ ۇلدارىمەن جۇزدەستى.
ميحايل حريشاتىي، ۆالەري حريشاتىيدىڭ ۇلى:
- ماك- كينليگە شىعۋعا مەن دە تالپىنعان ەدىم، وكىنىشكە قاراي، بيىك شىڭىنا جەتە المادىم. سولتۇستىكتەگى بۇل تاۋدىڭ اۋا رايىن ادام بولجاپ بولمايدى. مەنىڭ تۇسىنگەنىم، وعان شىعۋ ءۇشىن فيزيكالىق تۇرعىدان دايىن ءارى ۇرەيىڭدى جەڭە ءبىلۋىڭ كەرەك.
سەگىز مىڭدىق 14 شىڭدى باعىندىرعان ماقسۇت اۋا رايى قولايسىزدىعىنا قاراماستان ماك-كينليدەن ويداعىداي وتە الدى.
ەۆگەنيي حريشاتىي، ۆالەري حريشاتىيدىڭ ۇلى:
- ماقسۇت ماك-كينلي شىڭىنا شىعار الدىندا وندا قايعىلى وقيعا بولعان ەدى. ءبىر قىز تىرەگى ءۇزىلىپ كەتىپ، اپاتتان كوز جۇمدى. وسىنداي جاعدايدا تاۋەكەلگە باس تىگىپ، ماقسۇت دەگەنىنە جەتتى. مىقتىلىعىن تانىتتى. ونى قۇتتىقتايمىز. نيۋ-يوركتەگى ساپارىندا ماقسۇت نەپالدىڭ ب ۇ ۇ-داعى تۇراقتى وكىلىمەن جانە بيىك تاۋلى ەلدەردىڭ ديپلوماتتارىمەن كەزدەسۋدى جوسپارلاپ وتىر.
24.kz