فرانسيا پرەزيدەنتى فرانسۋا وللاند قازاقستانعا كەلەدى

استانا. قازاقپارات - فرانسيا پرەزيدەنتى ف. وللاند قازاقستانعا رەسمي ساپارمەن كەلەدى. بۇل تاقىرىپ ق ر سىرتقى ىستەر ءمينيسترى ە. ىدىرىسوۆتىڭ فرانسياعا رەسمي ساپارى اياسىندا وتكەن ەكى ەلدىڭ سىرتقى ساياسي ۆەدومستۆولارىنىڭ كەلىسسوزدەرىنە نەگىزگى ارقاۋ بولدى.

«ەرلان ىدىرىسوۆ پەن ونىڭ فرانسۋز ارىپتەسى لوران فابيۋسپەن كەزدەسۋىندە ەكىجاقتى جانە كوپجاقتى ىنتىماقتاستىق ماسەلەلەرى اياسى تالقىلانىپ، حالىقارالىق كۇن ءتارتىبىنىڭ وزەكتى ماسەلەلەرى بويىنشا پىكىر الماسىلدى. ەكى مينيستر كەلىسسوزدەرىنىڭ باستى تاقىرىبى وسى جىلدىڭ سوڭىندا فرانسيا پرەزيدەنتى ف. وللاندتىڭ قازاقستانعا ساپارىنا دايىندىق بولدى. ە. ىدىرىسوۆ اتالعان ساپار قازاقستان مەن فرانسيا اراسىنداعى، ەڭ الدىمەن، ەكونوميكالىق باعىتتاعى بىرلەسكەن ارەكەتتەردىڭ ءورىسىن كەڭەيتەتىن جاڭا ءوزارا ءتيىمدى كەلىسىمدەردىڭ جەتىستىگىمەن ەستە قالۋى كەرەكتىگىن اتاپ ءوتتى» ، - دەلىنگەن ق ر س ءى م  باسپا ءسوز قىزمەتىنىڭ حابارلاماسىندا.

ساۋدا- ەكونوميكالىق ىنتىماقتاستىق قازاقستاندىق- فرانسۋز قاتىناستارى ستراتەگيالىق ارىپتەستىگىنىڭ باستى قۇراۋشىسى بولىپ تابىلادى. اتالعان كونتەكستە تاراپتار ەكونوميكالىق سيپاتتاعى ماڭىزدى ماسەلەلەردى تالقىلاپ، شەشۋگە مۇمكىندىك بەرەتىن ەكونوميكالىق ارىپتەستىك جونىندەگى قازاقستاندىق- فرانسۋز ۇكىمەت ارالىق كوميسسيا مەن قازاقستاندىق- فرانسۋز ىسكەر كەڭەسىنىڭ تابىستى جۇمىسىن قاناعاتتىلىقپەن اتاپ ءوتتى.

«2013 - جىلدىڭ قورىتىندىسى بويىنشا، فرانسيا - تاۋار اينالىمى 6 ميلليارد دوللاردان اسىپ جەتەكشى ساۋدا ارىپتەستەر قاتارىندا بەسىنشى ورىنعا يە بولدى. قازاقستاندىق ەكونوميكاعا تىكەلەي ينۆەستيتسيالار كولەمى بويىنشا فرانسيا ءتورتىنشى ورىندا - ىنتىماقتاستىق جىلدار بويى بۇل كورسەتكىش 10 ميلليارد ا ق ش دوللارىن قۇرادى» ، - دەپ بەلگىلەدى ق ر س ءى م باسشىسى.

سۇحباتتاسۋشىلار اۋە كوسموسى سالاسىنداعى ارىپتەستىك، «ەۆروكوپتەر» تىكۇشاقتارىن ءوندىرۋ، اتوم ەنەرگەتيكاسىنداعى ىنتىماقتاستىق، ماشينا جاساۋ سالاسىنداعى ارىپتەستىك جانە ت. ب. وسى سياقتى سالالاردا ءوزارا ءتيىمدى ىنتىماقتاستىقتارىن ودان ءارى دامىتۋعا نيەتتەرىن ءبىلدىردى.

سونداي- اق، ە. ىدىرىسوۆ پەن ل. فابيۋس قازاقستاندىق- فرانتسۋز ىنتىماقتاستىعىنا، سونىڭ ىشىندە تۋريزمنىڭ دامۋىنا، بيزنەس- بايلانىستاردىڭ جاندانۋىنا جانە ينۆەستيتسيالاردى ىنتالاندىرۋعا ماڭىزدى شابىت بەرەتىن استانا مەن پاريج اراسىندا تىكەلەي اۋەحابارلاما ورناتۋ مۇمكىندىگىن تالقىلادى.

سونىمەن قاتار قازاقستاندىق س ءى م باسشىسى ءبىزدىڭ ەلىمىز عىلىم سالاسىنداعى ىنتىماقتاستىققا ۇلكەن ءمان بەرەتىنىن اتاپ ءوتتى. «ءبىزدىڭ ەلدەرىمىزدىڭ ۋنيۆەرسيتەتتەرى اراسىندا بىرلەسەن عىلىمي جوبالار مەن زەرتتەۋلەر تابىستى دامۋدا. ءبىز الماتىدا قازاقستان- سوربوننا ۋنيۆەرسيتەتىنىڭ قۇرىلۋىنا جانە فرانسۋز مەكتەپتەرىنىڭ اشىلۋىنا تەك ريزاشىلىعىمىزدى بىلدىرەمىز» ، - دەپ مالىمدەدى ول.

بۇدان بولەك، حالىقتارىمىز اراسىنداعى ءوزارا تۇسىنىستىكتى نىعايتۋعا باعىتتالعان مادەني- گۋمانيتارلىق ىنتىماقتاستىق دامۋىنىڭ ماڭىزدى ءرولى اتاپ ءوتىلدى. وسىعان وراي وتكەن جىلى قازاقستانداعى فرانسيانىڭ مادەني ماۋسىمىنىڭ ءساتتى وتكىزىلگەنى اتاپ ءوتىلدى جانە بيىلعى جىلعى كۇزدە فرانسياداعى ق ر مادەني ماۋسىمىنىڭ ءساتتى وتۋىنە دە سەنىم ءبىلدىرىلدى.

كوپجاقتى ىنتىماقتاستىق سالاسىندا كەلىسسوزدەردىڭ نەگىزى تاقىرىبى قر- ەو كەڭەيتىلگەن سەرىكتەستىگى مەن ىنتىماقتاستىعى تۋرالى جاڭا كەلىسىم شارتتىڭ جاسالىنۋى بولدى. «جاڭا كەلىسىم شارت - ءوزارا مۇددەلەر تەڭ ۇيلەسىمدىلىكپەن ەسكەرىلۋى ءتيىس سەرىكتەستىگىمىزدىڭ دارا جانە دارەجەسى بيىك سيپاتتاماسىن نىعايتۋ مۇمكىندىگى» ، - دەپ اتاپ ءوتتى ە. ىدىرىسوۆ. ول بيىل قازاندا بريۋسسەلدە كەلىسىمشارتتى پارافيرلەۋ ءۇشىن تاراپتاردىڭ كەلىسسوز جۇرگىزۋشى «توپتارى» كەلىسسوزدەردىڭ كەلەسى كەزەڭىندە قۇجات ءماتىنىن ءبىرجولاتا ماقۇلدايدى دەپ ءۇمىت ءبىلدىردى.

كوپجاقتى ىنتىماقتاستىق سالاسىنىڭ وزگە ماڭىزدى تاقىرىبى رەتىندە ۆيزا راسىمدەرىن ءوزارا جەڭىلدەتۋ ماسەلەسى قاراستىرىلدى. «ازاماتتارىمىزدىڭ ءوزارا قاتىناسۋ ۇدەرىسى وسكەندىگىن اتاپ كەتكەن ءجون. جىل سايىن ءجۇز مىڭنان استام ق ر ازاماتتارى ەۋروپا ەلدەرىنە بارىپ قايتادى. وسى ورايدا، ق ر مەن ە و اراسىنداعى اعىمدى ۆيزالىق ءتارتىپ ساياسي جانە ەكونوميكالىق سۇحباتىنىڭ قازىرگى احۋالى مەن دامۋ ماقساتتارىنا ساي كەلمەيدى» ، - دەپ ايتا وتىرىپ، ق ر س ءى م باسشىسى فرانسۋز تاراپىنىڭ بۇل ماسەلە شەشىمىندە قولداۋ كورسەتەدى دەگەن ءۇمىتىن ءبىلدىردى.

ەكى ەل اراسىنداعى كوپجاقتى فورماتتاعى ءوزارا ارەكەتتەنۋىنە كەلگەندە، ە. ىدىرىسوۆ فرانسيانى حالىقارالىق ۇيىمدار شەڭبەرىندە ماڭىزدى ءارى سەنىمدى سەرىكتەستىك رەتىندە قاراستىراتىندىعىن اتاپ ءوتتى. «ب ۇ ۇ قاۋىپسىزدىك كەڭەسىنە 2017-2018 ج ج. ارالىعىنا تۇراقتى ەمەس مۇشەلىككە سۇرانىمىزدى پوزيتيۆتى قابىلداعانى ءۇشىن فرانسۋز تاراپىنا ريزاشىلىعىمىزدى بىلدىرەمىز» ، - دەدى قازاقستاندىق ديپلومات.

سۇحباتتاسۋشىلار اۋعانستان قالپىنا كەلۋى، سيريا ماسەلەسى، يران يادرولىق باعدارلاماسى، جانە دە ۋكرايناداعى جاعداي سەكىلدى حالىقارالىق كۇنتىزبەسىنىڭ وزەكتى ماسەلەلەرى بويىنشا ۇستانىمدارىن سالىستىردى.