قىتايدا تالانتىمەن تانىلعان ءجانيا ءبىلىمىن قازاقستاندا جالعاستىرماق
قىتاي حالىق رەسپۋبليكاسىنىڭ ءۇرىمجى قالاسىندا 2004 - جىلى 26 - ساۋىردە دۇنيەگە كەلگەن جانات جانيا بيىل ءۇرىمجى قالالىق №10 قالالىق باستاۋىش مەكتەپتە 4- سىنىپتى ءبىتىردى.
بوس ۋاقىتىندا پيانينو تارتىپ، ءان ايتۋدى ۇيرەنۋگە جۇمسايتىن ول 2008 - جىلى ІV جاسوسپىرىمدەر ءسان بايقاۋىندا «ۇزدىك مودەل» سىيلىعىن يەلەندى. 2009 - جىلى شىنجاڭ تيانشان كينوستۋدياسى تۇسىرگەن «گۇلبيكە» اتتى كوركەم فيلمدە كىشكەنتاي گۇلبيكەنىڭ ءرولىن وينادى. ول 2010 - جىلى الماتىداعى «ازيا جانە ەۋروپا كينوسى» ، بەيجىڭدەگى «قىتاي ۇلتتىق كينوسى» شارالارىنا قاتىستى.
2011 - جىلى سيدنەيدەگى «التىن كاۋلا» 3- سيدنەي جانە قىتاي كينوفەستيۆالىندە «ۇزدىك اكتريسا» ماراپاتىنا جانە ءوزى ءبىلىم الاتىن مەكتەپتەگى «ۇلتتىق ىنتىماق» اڭگىمە جارىسىندا 2- ورىن الدى. 2012 - جىلى قىتاي ССТV بالالار ارناسىنداعى «مۋزىكالىق سالەم» باعدارلاماسىندا «ۇزدىك ونەرپاز» جانە مەكتەپتەگى «جاقسى وندىق وقۋشى» سىيلىعىن يەلەندى. 2013 - جىلى شىنجاڭ بالالار ارناسىنىڭ 1 - ماۋسىم بالالار مەرەكەلىك كەشىندە ونەر كورسەتىپ، مەكتەپتەگى اڭگىمە سايىسىندا ءبىرىنشى ورىن الىپ، 2013-2014 - جىلدارى 2 مارتە «ۇزدىك بالالار جەتەكشىسى» بولىپ ماراپاتتالدى.
