11:25, 30 - مامىر 2014 | GMT +5
بالقاشتىق ايەل ەكى ازاماتتىعى بولعانى ءۇشىن ءىستى بولدى
قاراعاندى. قازاقپارات - قاراعاندى وبلىسى بالقاش قالاسىنىڭ تۇرعىنىنا ەكى ازاماتتىعى بولعانى ءۇشىن 92600 تەڭگە كولەمىندە ايىپپۇل سالىندى، دەپ حابارلادى وبلىستىق سوتتىڭ باسپاءسوز قىزمەتى.
«ازاماتشا حاسانوۆا ق ر- دىڭ «ازاماتتىق تۋرالى» زاڭىن بۇزعانى ءۇشىن ايىپتى دەپ تانىلدى.
بالقاش قالاسىنىڭ مامانداندىرىلعان اكىمشىلىك سوتىنىڭ ۇكىمىمەن وعان 50 ايلىق ەسەپتىك كورسەتكىش مولشەرىندە ايىپپۇل سالىندى. ول 92 600 تەڭگەنى قۇرادى. وبلىستىق سوتتىڭ ازاماتتىق جانە اكىمشىلىك ىستەرى بويىنشا اپەللياتسيالىق سوت القاسى ۇكىمدى كۇشىندە قالدىردى»، - دەلىنگەن حابارلامادا.
