سەنات جوعارعى سوتتىڭ ەكى سۋدياسىن قىزمەتىنەن بوساتتى

استانا. قازاقپارات - بۇگىن پارلامەنت سەناتىنىڭ جالپى وتىرىسىندا ق ر جوعارعى سوتىنىڭ ەكى سۋدياسى قىزمەتىنەن بوساتىلىپ، ولاردىڭ ورنىنا ەكى سۋديا جاڭا قىزمەتكە تاعايىندالدى.

اتاپ ايتقاندا، ق ر پرەزيدەنتى نيكولاي مامونتوۆ پەن نۇريا سىنعاليەۆانى ورنىنا تۇسۋىنە بايلانىستى جوعارعى سوت سۋدياسى قىزمەتىنەن بوساتۋ تۋرالى ۇسىنىم جاساعان.

«سۋديالار زەينەتكەرلىك جاسقا جەتكەن جانە سوت جۇيەسىندە قىزمەت اتقارعان ۋاقىتتا وزدەرىن بەدەلدى، تاجىريبەلى سۋديالار رەتىندە كورسەتتى، قىزمەتتەرىن ۇلكەن جاۋاپكەرشىلىكپەن اتقاردى»، - دەدى بۇل ماسەلە جونىندە ءسوز سويلەگەن ق ر جوعارعى سوت كەڭەسىنىڭ ءتوراعاسى بەكتاس بەكنازاروۆ.

بۇدان بولەك، سەناتتىڭ قاۋلىسىمەن سەرىك ابدراحمانوۆ پەن مەيرام جانعۇتتينوۆ ق ر جوعارعى سوتىنىڭ سۋدياسى قىزمەتىنە سايلاندى.

سايلانعان سۋديالار كونستيتۋتسيا نورمالارىنا سايكەس، سەنات دەپۋتاتتارىنىڭ الدىندا انت قابىلدادى.

اۆتور: قانات مامەتقازى ۇلى