ەۋرازيالىق كوميسسيانىڭ باسشىلىق قىزمەتتەرى ءۇش ەلدىڭ ازاماتتارىنا تەڭ بولىنەدى

 استانا. قازاقپارات - ەۋرازيالىق كوميسسيانىڭ باسشىلىق قىزمەتتەرى ءۇش ەلدىڭ ازاماتتارىنا تەڭ بولىنەدى.

 بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ كوشپەلى بريفينگىندە ق ر ۇلتتىق كاسىپكەرلەر پالاتاسى باسقارماسى ءتوراعاسىنىڭ ورىنباسارى راقىم وشاقبايەۆ ايتتى.

 «قازىرگى ۋاقىتتا ەۋرازيالىق كوميسسيادا 20 دان استام دەپارتامەنت بار. وكىنىشكە وراي، كوميسسيانىڭ تۇراقتى مەكەنجايى ماسكەۋ بولعاندىقتان دەپارتامەنت ديرەكتورى لاۋازىمىندا رەسەيلىك ازاماتتاردىڭ باسىم ەكەندىگىن كورىپ وتىرمىز. ياعني، قازاقستان نە بولماسا بەلارۋس ازاماتتارىنا قاراعاندا، دەپارتامەنت ديرەكتورى لازۋامىزداعى رەسەي ازاماتتارى باسىم بولىپ تۇر» ، - دەدى ول.

 ر. وشاقبايەۆتىڭ اتاپ وتۋىنشە، قازىرگى ۋاقىتتا بۇل تەڭسىزدىكتى جويۋ ءۇشىن كەلىسىمشارت ماتىنىندە دەپارتامەنت ديرەكتورى جانە ولاردىڭ ورىنباسارلارى دەڭگەيىندە تەڭ دارەجەدە ۇسىنىلاتىندىعى جازىلعان.

«ياعني، ەگەر دەپارتامەنت ديرەكتورى قازاقستان ازاماتى بولسا، وندا ونىڭ ورىنباسارلارىنىڭ ءبىرى رەسەي، كەلەسىسى بەلارۋس ازاماتى بولۋى ءتيىس. بۇل قارجىلاندىرۋدى كەڭەيتۋدى تالاپ ەتەدى» ، - دەدى ول.

  اۆتور: مارلان جيەمباي