10:27, 29 - مامىر 2014 | GMT +6
رەسەي مەن بەلارۋس پرەزيدەنتتەرى استاناعا كەلدى
استانا. قازاقپارات - ەۋرازيالىق ەكونوميكالىق وداق قۇرۋ تۋرالى شارتقا قول قويۋ ءۇشىن رەسەي پرەزيدەنتى ۆلاديمير پۋتين مەن بەلارۋس پرەزيدەنتى الەكساندر لۋكاشەنكو استاناعا ساپارمەن كەلدى.
اتاپ ايتقاندا، بۇگىن استاناداعى تاۋەلسىزدىك سارايىندا مەملەكەت باسشىلارى دەڭگەيىندەگى جوعارى ەۋرازيالىق ەكونوميكالىق كەڭەستىڭ وتىرىسى وتەدى.
وتىرىستىڭ شاعىن قۇرامداعى كەزدەسۋىنە قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ، رەسەي فەدەراتسياسىنىڭ پرەزيدەنتى ۆلاديمير پۋتين جانە بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو قاتىسادى. سونىمەن بىرگە، قۇجاتقا قول قويۋ راسىمىنە ارمەنيا مەن قىرعىزستان پرەزيدەنتتەرى كەلەدى دەپ كۇتىلۋدە.
اتالعان وداق تۋرالى كەلىسىم 2015 - جىلدىڭ 1 - قاڭتارىنان باستاپ كۇشىنە ەنەدى.
اۆتور: رۋسلان عابباسوۆ
