عالىمدار چەليابىعا قۇلاعان مەتەوريتتىڭ قايدان كەلگەنىن انىقتادى
وسىنداي شەشىمدى ر ع ا-نىڭ ءسىبىر ءبولىمى مەن نوۆو ءسىبىر مەملەكەتتىك ۋنيۆەرسيتەتىنىڭ عالىمدارى مەن جاپونيادان كەلگەن ارىپتەسىمەن بىرگە جاساعان.
بۇل تۋرالى rosbalt.ru جازادى.
زەرتتەۋشىلەر مەتەوريت فراگمەنتتەرىنەن اسپان دەنەلەرىنىڭ قۇرامىندا سيرەك كەزدەسەتىن جادەيت مينەرالىن تاپقان. ول پلانەتالاردا اسا جوعارى قىسىم مەن تەمپەراتۋرادا قالىپتاسادى، ال ونىڭ ۇساق فراگمەنتتەرى اسا جوعارى جىلدامدىقپەن ۇشىپ كەلە جاتقان اسپان دەنەلەرىنىڭ سوعىلۋىنان قالىپتاسۋى مۇمكىن.
«بارلىق شاعىن اسپان دەنەلەرى وزدەرىنەن وزدەرى پايدا بولمايدى، ولار - ءىرى استەرويدتاردىڭ جارىقشاقتارى. مۇنداي سىنىقتار استەرويدتاردىڭ باسقا اسپان دەنەلەرىمەن قاقتىعىسىنان پايدا بولادى»، - دەپ ءتۇسىندىردى رعا گەوحيميا جانە اناليتيكالىق حيميا ينستيتۋتىنىڭ گەولوگو- مينەرالوگيالىق عىلىمدارىنىڭ دوكتورى اندرەي يۆانوۆ.
ەسكە سالا كەتەيىك، مەتەوريت چەليابىگە 2013 - جىلدىڭ 15 - اقپانىندا سەكۋندىنا 20 شاقىرىم جىلدامدىقپەن قۇلاعان. اسپان دەنەسىنىڭ ديامەترى - 17 م، ال ماسساسى 10 مىڭ تونناعا جۋىق. مەتەوريت قۇلاعاننان عيمارات شىنىلارى بىرنەشە بولىككە ءبولىنىپ سىنعان. ادامداردىڭ كوبى اۋرۋحاناعا كومەككە جۇگىنگەن.
