قازاق كۇرەسى: «قازاقستان بارىسى» تۋرنيرىنىڭ فينالىنا شىققان بالۋاندار انىقتالدى

استانا. قازاقپارات - قازاق كۇرەسىنەن ق ر پرەزيدەنتى نۇرسۇلتان نازاربايەۆتىڭ جۇلدەسى ءۇشىن وتەتىن «قازاقستان بارىسى» تۋرنيرىنىڭ فينالىنا قاتىساتىن بارلىق بالۋاندار انىقتالدى.

ەرتەڭ، 22-مامىر كۇنى ساعات 11:00 دە رەسپۋبليكالىق سپورت كوللەدجىنىڭ زالىندا ەلىمىزدىڭ ەڭ ۇزدىك 33 بالۋانىن تانىستىرۋ ءراسىمى وتەدى. «شىعىس بارىسى»، 2013-جىلعى جەڭىمپاز ايبەك نۇعىماروۆ پەن «تاراز ارلانى» ، 2012-جىلعى چەمپيون بەيبىت ىستىبايەۆ جوبانىڭ فينالدىق سىنىنا قاتارىنان ءتورتىنشى رەت جولداما الىپ وتىر.

ەلىمىزدىڭ 16 ايماعىندا رەسپۋبليكالىق دوداعا ىرىكتەۋ كەزەڭى اياقتالدى. ءتورتىنشى ماۋسىمداعى ىرىكتەۋ سىنى كوپتەگەن توسىن سىيلارعا تولى بولدى. اتاپ ايتار بولساق، جارىستىڭ ارداگەر بالۋانى مۇرات كەڭتونوۆ (قوستاناي وبلىسى) پەن تۇڭعىش «بارىس» ۇلان رىسقۇل ( قىزىلوردا وبلىسى) فينالدىق سىننان سىرت قالسا، جاراقاتىنا وراي ماكسيم گەربەر (قوستاناي وبلىسى) مەن ۆيكتور دەميانەنكو (الماتى قالاسى) تۋرنيرگە قاتىسا المايدى. ال تاجىريبەلى بالۋان شالقار جولامانوۆ ءبىر جىلدىق ۇزىلىستەن سوڭ جوباعا قايتا ورالدى.

الايدا، بيىلعى جارىسقا قاتىساتىن جاس ءارى جاڭا ەسىمدەر وتە كوپ. ولار قازاق كۇرەسىنەن وتەتىن ەڭ ءىرى سپورتتىق دودانىڭ تاريحىندا ءوز ەسىمدەرىن قالدىرۋعا دايىن.

تانىستىرۋ ءراسىمى بارىسىندا ب ا ق وكىلدەرىنىڭ ءاربىر بالۋانمەن سۇحباتتاسىپ، فوتو جانە بەينەماتەريال جيناقتاۋىنا مۇمكىندىك بار. سونداي- اق، جيىندا «قازاقستان بارىسى» جوباسىنىڭ ءتورتىنشى ماۋسىمىنا ىرىكتەۋ كەزەڭى قورىتىندىلانادى.

ەستەرىڭىزگە سالا كەتەيىك، «قازاقستان بارىسى» جوباسىنىڭ بيىلعى فينالدىق سىنى 29-ماۋسىم كۇنى استاناداعى «سارى ارقا» ۆەلوترەگىندە وتەدى (باستالۋى - 13:00) . بيلەتتەر ساتىلىمعا اعىمداعى جىلدىڭ 1-ماۋسىمىنان باستاپ تۇسەدى.

جەڭىمپازعا التىن بەلبەۋ، تايتۇياق جانە 150 مىڭ ا ق ش دوللارى تابىستالادى، دەپ حابارلايدى «قازاقستان بارىسى» قازاق كۇرەسىن دامىتۋ قورى.