قازاقستاندا انا اتاناتىن قىزداردىڭ ورتاشا جاسى بەلگىلى بولدى

استانا. قازاقپارات - ستاتيستيكا اگەنتتىگى قازاقستانداعى انا اتاناتىن قىزداردىڭ ورتاشا جاسىن انىقتادى.

اگەنتتىكتىڭ حابارلاۋىنشا، 2013 - جىلدا قازاقستاننىڭ بىرنەشە وڭىرلەرىندە بالا تۋعانداعى ايەلدىڭ ورتا جاسى ورتاشا رەسپۋبليكالىق دەڭگەيدەن جوعارى بولدى.

مىسالى، وسى كورسەتكىش الماتى قالاسىندا 28,9 جاستى، استانا قالاسىندا 28,4، قىزىلوردا وبلىسىندا 27,9، شىعىس قازاقستان وبلىسىندا 27,8 جاستى قۇرادى.

بىلتىر قازاقستان رەسپۋبليكاسىندا ا ح ا ت ورگاندارىنا 387227 جاڭا تۋىلعان سابيلەر تىركەلدى، سونىڭ ىشىندە قالالىق مەكەندەردە - 209004 ادام، اۋىلدىق جەرلەردە - 178223 ادام.

تۋىلعان ەر بالالاردىڭ سانى 199880 ادامدى (51,6 پايىز) ، قىز بالالار - 187347 ادامدى (48,4 پايىز) قۇرادى، تۋىلعان كەزدەگى جىنىستاردىڭ اراقاتىناسى 100 قىز بالاعا شاققاندا 106,7 ەر بالانى قۇرادى.

قازاقستان وڭىرلەرى بويىنشا 1000 تۇرعىنعا شاققانداعى تۋۋدىڭ ەڭ جوعارى دەڭگەيى ماڭعىستاۋ - 31,71، وڭتۇستىك قازاقستان - 29,59، اتىراۋ - 28,60 وبلىستارىندا بولدى. ەڭ تومەنگى كورسەتكىش سولتۇستىك قازاقستان - 14,82، قوستاناي - 14,79 جانە شىعىس قازاقستان - 16,43 وبلىستارىندا بايقالدى.

2013 - جىلى 2003 - جىلمەن سالىستىرعاندا تۋىلعاندار سانى 56,2 پايىزعا (ەر بالالار - 56,6 پايىز عا، قىز بالالار - 55,7 پايىزعا) ، قالالىق مەكەندەردە - 50,7 پايىزعا، اۋىلدىق جەرلەردە - 63,1 پايىزعا ارتتى.

 

اۆتور: ءابۋ-اسقار مەكەش ۇلى