قازاقستاننىڭ سوڭعى ون جىلداعى ىشكى جانە سىرتقى كوش- قون الماسۋلارى
وتىرىستا ەلىمىزدەگى ىشكى جانە سىرتقى كوشى- قون پروبلەمالارى تالقىلانعان بولاتىن.
«سوڭعى 10 جىلدا ەلىمىزدە كوشى- قوننىڭ وڭ سالدوسى قالىپتاستى. سونىڭ ىشىندە ەڭ جوعارى كورسەتكىش 2006 - جىلعا تيەسىلى - بۇل جىلى ەلىمىزگە كەلۋشىلەر كورسەتكىشى 33 مىڭ ادامعا جەتتى. دەگەنمەن، سوڭعى 2012-2013 - جىلى كورسەتكىشتىڭ ازعانتاي تەرىس سالدوسى ورىن الدى. جالپى، 2004-2013 - جىلدارى قازاقستانعا 483,6 مىڭ ادام كەلىپ، ەلىمىزدەن كەتكەندەر سانى 386,6 ادام كەتتى. وسىلايشا، سوڭعى ون جىلدا كوشى- قوننىڭ وڭ سالدوسى 97 مىڭ ادامدى قۇراپ وتىر» ، - دەدى ا. اشۋيەۆ.
ونىڭ ايتۋىنشا، قازاقستانداعى كوشى- قون الماسۋى نەگىزىنەن ت م د ەلدەرىمەن ارادا ورىن الۋدا. ماسەلەن، سوڭعى 10 جىلدا ت م د ەلدەرىنەن قازاقستانعا كەلگەندەر جانە وسى ت م د ەلدەرىنە كەتكەندەر سانىنىڭ ۇلەسى 82,6 جانە 89,4 پايىزدى قۇراعان. سونىڭ ىشىندە ەلگە كەلگەن ميگرانتتاردىڭ 43,3 پايىزىن بۇرىنعى رەسەي ازاماتتارىن قۇراسا، 41,1 پايىزى وزبەكستاننان كەلدى. قالعان ۋكراينا، قىرعىزستان مەن بەلارۋستان كەلگەندەر 10 پايىزدان اسادى.
«2004-2013 - جىلدار ارالىعىندا الەم ەلدەرىنەن ەلىمىزگە كەلگەن ورالمانداردىڭ 47,3 پايىزى وزبةكستان ۇلەسىنە تيسە، 26,2 پايىزى قىتايدىڭ، 5,1 پايىزى موڭعوليادان، 3,5 پايىزى گەرمانيادان ، 2,3 پايىزى تۇركيادان كەلىپ وتىر. ال ەلىمىزدەن باسقا ەلدەرگە كەتكەندەردىڭ 85,1 پايىزى گەرمانياعا بارسا، 4,6 پايىزى ا ق ش- قا، 4,1 پايىزى كاناداعا، 2,5 پايىزى يزرايلگە قونىس اۋدارعان» ، - دەدى ا. اشۋيەۆ.
اۆتور: قانات مامەتقازى ۇلى
