قازاقستاندىق كاسىپقوي بوكسشىلار مەن باپكەرلەر اراسىنداعى ارازدىق

استانا. قازاقپارات - «استانا ارلاندارىنىڭ» اياق استىندا جارىستان شىعىپ قالۋى - باپكەرلەر مەن بوكسشىلار اراسىنداعى الاۋىزدىقتىڭ كەسىرى.

قازاقستاندىق كاسىپقوي كلۋبتىڭ سوڭعى كەزدەسۋىنەن كەيىن جانكۇيەرلەر اراسىندا وسىنداي سىبىس شىعا باستادى.

سەبەبى ۇلتتىق قۇراماداعى ءبىرىنشى ءنومىرلى بوكسشىلار بايراقتى باسەكەگە بارا الماعان.

ال «ارلاندار» بولسا، ارتىلعان مىندەتتى اقتاي المادى.

«استانا ارلاندارى» مەن «باكۋ وتتارى» اراسىنداعى سوڭعى كەزدەسۋ. جارىستىڭ جارتىلاي فينالىنا جەڭىل جولداما العان جەرلەستەرىمىز جوق جەردەن ءازىربايجاندارعا جول بەردى. كەيىن بۇل تاقىرىپ تالاي مارتە تالقىعا ءتۇسىپ، كىنانىڭ ءبارىن تورەشىلەرگە ءۇيىپ-توككەن ەدى. بەرتىن كەلە بارلىعى ءوزىمىزدىڭ باپكەرلەر مەن بوكسشىلاردان بولىپ شىقتى.

شارشى الاڭعا شىعادى دەگەن دانيار ەلەۋسىنوۆ شامالى قالعاندا كەزدەسۋدەن باس تارتىپ، ونىڭ ورنىنا مانات ءومىرزاقوۆ شىقتى. ال قارسىلاستار قورجىنىنا كەتكەن ۇپايعا كلۋب باسشىلارى ۇلتتىق قۇرامانىڭ كاپيتانىن كىنالاعان. دانيار بولسا، وزىنە شاڭ جۋىتار ەمەس.

دانيار ەلەۋسىنوۆ، ۇلتتىق بوكس قۇراماسىنىڭ كاپيتانى:

- جارىس الدىندا مانات ءومىرزاقوۆ ەكەۋمىز جەكپە-جەك وتكىزدىك. كەيىن كورچينسكي (باپكەر) ونىڭ شارشى الاڭعا شىعاتىنىن ايتتى. ال مەنىڭ جەكە باپكەرىم بارمايتىندىعىمىزدى ايتتى. تىزىمدە تۇرعانىمدى سايىسقا ساناۋلى كۇن قالعاندا ءبىلىپ، ابدىراپ قالدىم. الدىن الا ايتۋ كەرەك ەدى. مەن ويىنشىق ەمەسپىن عوي.

بۇل ۇلتتىق قۇراما مەن كاسىبي قۇراما اراسىنداعى العاشقى كيكىلجىڭ ەمەس. ءبىراق كلۋب باسشىسى بىزدە ءبارى دۇرىس دەپ وتىر. ايتۋىنشا، قوس قۇراما اراسىندا تىعىز قارىم-قاتىناس قالىپتاسقان. ءتىپتى، باپكەرلەر شەبەرلىكتەرىمەن ءبولىسىپ، بوكسشىلار جاتتىعۋ جۇمىستارىن بىرگە جۇرگىزەدى.

بولات مانكەنوۆ، «استانا ارلاندارى» كلۋبىنىڭ باس مەنەدجەرى:

- ءار ادامنىڭ پسيحولوگيالىق جانە فيزيكالىق دايىندىعى بولادى. ءبىز ونى دا ساراپقا سالامىز. كوپتەگەن كورسەتكىشىن قاراپ، ءوز كوماندامىزدى جاساقتايمىز. ال ۇلتتىق قۇراماعا ارالاسۋعا قاقىمىز جوق. ولاردىڭ ءوز جوسپارى مەن ەل الدىندا ارقالاپ جۇرگەن جۇكتەرى بار.

ايتا كەتەيىك، «استانا ارلاندارى» ساپىندا قازىر 29 بوكسشى بار. ونىڭ 24 ى قازاقستاننان شىققان بىلعارى قولعاپ شەبەرلەرى.

ءبىراق ءبارى بىردەي بايراقتى باسەكەلەردە ۇلتتىق قۇراما ساپىنان كورىنە المايدى. ال كۋبا، رەسەي سياقتى ەلدەردە بۇل جاعداي جاقسى جولعا قويىلعان. سايكەسىنشە، كورسەتكىشتەرى دە كوڭىل كونشىتەرلىك.

بۇنىمەن ءبارى ءبىتتى دەپ، بوكسشىلار شەتىنەن قولعاپتارىن شەگەگە ءىلىپ، باپكەرلەرىمىز ومىردەن باز كەشىپ كەتپەۋى كەرەك. كىنالىلەردى تاۋىپ، جازاسىن بەرىپ جاتاتىن دا ۋاقىت ەمەس. الدا وليمپيادا بار. سوندىقتان سول بايراقتى باسەكەدە ەل نامىسىن ارقالايتىنداردى انىقتاپ الىپ، قارسىلاستارعا قارسى قانداي امال-ايلا قولداناتىنىمىزدى قاراستىرۋىمىز قاجەت.

 

24.kz