سايتىمىز ولشەمدى جازۋ ۇلگىسىنە كوشتى

  استانا. قازاقپارات - قۇرمەتتى قازاق اقپارات اگەنتىگىنىڭ وقىرماندارى، توتە جازۋ سايتى ولشەمدى جازۋ نۇسقاسىنا كوشتى.

سايتىمىز وسىعان دەيىن Internet Explorer  دەن باسقا باعدارلامارلادا دۇرىس وقىلماي وقىرماندارعا قيىندىق تۋعىزىپ كەلگەن بولاتىن. كەلتىرگەن قولايسىزدىقتار ءۇشىن وقىرماندارمىزدان كەشىرىم سۇرايمىز. ەندى كەز كەلگەن ينتەرنەت شولۋشىلارى ارقىلى (Google Chrome, mozilla firefox..)  سايتىمىزدى ەركىن وقي الاسىزدار. ءار اقپاراتتىڭ سوڭىنداعى پىكىر قالدىراتىن جەردە توتە جازۋمەن جازىلاتىن بولدى. سونىمەن بىرگە سايتىمىزدىڭ ءۇن حات مىنبەرى اشىلدى. توتە جازۋدا informkz ، قىتاي تىلىندە kazinform قوسىپ الىپ قازاق ەلىنىڭ جانە باسقادا ءارتۇرلى تاقىرىپتاعى ماڭىزدى جاڭالىقتارمەن  كۇندەلىك تانىسىپ وتىرۋلارىڭىزدى سۇرايمىز. twitter دەگى پاراقشامىز @Minber322 ال weibo  داعى پاراقشامىز http://weibo.com/kazinformtote قىتاي تىلىندە http://weibo.com/kazinform. سايتىمىز  ءارى قارايدا مۇمكىندىگىنشە جەتىلە تۇسەتىن بولادى. بىزبەن بىرگە بولىڭىزدار.

سايتىمىز تۋرالى

 قازاقپاراتتىڭ توتە جازۋ سايتى 2009 - جىلدىڭ كۇزىنەن باستاپ قىتاي مەن يرانداعى قازاقتار ءۇشىن اشىلعان اراب قارپىندەگى توتە جازۋ سايتى قازىرگى كەزدە شەتتەگى قازاقتاردىڭ تۇراقتى وقيتىن سايتىنا اينالدى.

شەتتەگى قانداستارىمىز قازاقستان جاڭالىقتارىن عانا ەمەس، قازاق تاريحى مەن مادەنيەتى تۋرالى تياناقتى مالىمەتتەردى وقۋعا، قازاق ادەبيەتىنىڭ وزىق تۋىندىلارىمەن تانىسۋعا، اندەر مەن كۇيلەردى تىڭداۋعا، ۇلتتىق سالت-داستۇرلەرىمىزگە قاتىستى دۇنيەلەردى كوبىرەك بىلۋگە  نيەتتى. قىتايداعى 2 ميلليونعا جۋىق قانداستارىمىزدىڭ كيريلليسامەن شىعاتىن قازاقستان كىتاپتارىنىڭ ارىپتەرىن تانىمايتىندىعىن، ءبىزدىڭ راديو-تەلە حابارلاردى تولىق كورە المايتىندىعىن ەسكەرە وتىرىپ، ولاردىڭ رۋحاني تۇرعىدا سۋساپ وتىرعان وسى جاعدايىنا «قازاقپاراتتىڭ» ينتەرنەتتىك مۇمكىندىگى ارقىلى توتە جازۋ سايتىنىڭ اياسىنان 2010 - جىلدان باستاپ «قازاق رۋحانياتى» دەپ اتالاتىن ادەبي، مادەني جانە ەلتانۋ پورتال اشىلعان. بۇل جوبادا وقىرمان سانىن ونان ارى ارتتىرا ءتۇستى.

وسى پورتال اياسىندا  مىناداي جاڭا رۋبريكالار قوسىلدى،  ا). «قازاق تاريحى» - بۇل رۋبريكا بويىنشا قازاق تاريحىنىڭ عىلىمي نەگىزدەلگەن ىقشام تاراۋلارى، تاريحىمىزعا قاتىستى تارتىمدى  ماقالالار سالىندى.

 ءا). «ادەبيەت جانە ونەر» - بۇل رۋبريكا بويىنشا تىلشىلەرىمىز دايىنداعان، ەلىمىزدىڭ ءارتۇرلى باسىلىمدار بەتتەرىندە جاريالانعان قازاق ادەبيەتى مەن ونەرىنىڭ ماسەلەلەرى،  بەلگىلى قالامگەرلەر مەن ونەر يەلەرى تۋرالى ماقالالار، ولارمەن وتكىزىلگەن  سۇحباتتار تاڭدالىپ ۇسىنىپ كەلەدى.

ۆ). «ۇلتتىق سالت-داستۇرلەر» - حالقىمىزدىڭ ءارقيلى ادەت- عۇرىپتارىنا بايلانىستى مالىمەتتەر ءبىر جەرگە جيناقتالدى.

 گ). «اتا-تەك شەجىرەسى» - قازاق شەجىرەسىنىڭ  تياناقتى  ساراپتاۋدان وتكەن نۇسقالارى ەكشەلىپ، دايارلاندى.

 ع). «اڭگىمە الەمى» - قازاق پروزاشىلارىنىڭ تاڭداۋلى اڭگىمەلەرى ىرىكتەلىپ ازىرلەندى. بۇگىنگە دەيىن 70 كە جۋىق تانىمال جازۋشىلاردىڭ تاڭدامالى اڭگىمەلەرى سالىندى.

 د). «جەتى عاسىردىڭ جىر جەلكەنى» - قازاق پوەزياسىنىڭ انتولوگياسى. قازىر قازتۋعان جىراۋدان بۇگىنگى كۇن اقىندارىنا دەيىنگى جەتى عاسىر ارالىقتا دۇنيەگە كەلگەن تاڭدامالى ولەڭدەر جيناقتالدى.

ە). «بالاۋسا» (بالالار ادەبيەتى) - قازاق ەرتەگىلەرى مەن اڭىزدارى، تاقپاقتار مەن جاڭىلتپاشتار، ويىن ولەڭدەرى، بالدىرعاندارعا، مەكتەپ وقۋشىلارىنا ارنالعان جىرلار مەن اڭگىمەلەر  دايىندالدى.

 ج) «ءداستۇرلى ءاندەر مەن كۇيلەر» - سايتتىڭ مۇمكىندىگىنە قاراي كلاسسيكالىق، ءداستۇرلى اندەر مەن كۇيلەردىڭ تاريحى تۋرالى ءان سوزدەرى سالىنىپ وتىر.

ال وسى 2014 - جىلدىڭ ناۋرىزىنان باستاپ قازاقپاراتتىڭ قىتاي تىلىندەگى نۇسقاسى قوسىلدى inform.kz/chn. قىتاي تىلىندەگى نۇسقاسىنىڭ اشىلۋى دا قازاق ەلىننىڭ جاڭالىقتارىن قىتاي حالقىنا تانىسترۋدا، سونىمەن بىرگە قىتايشا وقىعان قانداستارىمىزدىڭ اتا جۇرتتاعى كۇندەلىكتى جاڭالىقتارمەن حاباردار بولىپ وتىرۋىنا مۇمكىندىك اشتى.