بايقوڭىر عارىش ايلاعىنان ۇشىرىلعان «پروتون- م» زىمىران- تاسىعىشى قۇلادى

استانا. قازاقپارات - ۇشىرۋ كەزىندە جەرگە قۇلاعان «پروتون- م» زىمىران- تاسىعىشىنىڭ ءۇشىنشى ساتىداعى باسقارۋ قوزعالتقىشى ىستەن شىققان، دەپ حابارلادى ر ب ك.

«بايقوڭىر عارىش ايلاعىنان «پروتون- م» زىمىرانىن ۇشىرۋ كەزىندە ءۇشىنشى ساتىنىڭ باسقارۋ قوزعالتقىشىنىڭ شتاتتان تىس جۇمىسىنىڭ سەبەبىنە بايلانىستى ونى ۇشىرۋدىڭ 545 - سەكۋندىندا اپات ورىن الدى» ، - دەپ حابارلادى دەرەككوزى.

قوزعالتقىشتىڭ اپاتتىق ءسونۋى ەكىنشى جانە ءۇشىنشى ساتىلار بولىمدەرىنىڭ اراسىندا بولدى. عارىشتىق زىمىران سالاسىنداعى دەرەككوزدىڭ اقپاراتىنا قاراعاندا، «پروتون- م» التايدا نەمەسە تىنىق مۇحيتىنىڭ ايدىنىنا قۇلاۋى مۇمكىن ەدى.

جاقىن ارادا اپاتتىڭ سەبەبىن انىقتايتىن كوميسسيا قۇرىلادى. بايقوڭىر عارىش ايلاعىنان «پروتون» زىمىران- تاسىعىشتارىن ودان ءارى ۇشىرۋدى توقتاتا تۇرادى. 15 - شىلدەگە بەلگىلەنگەن «ەكسپرەس- АМ6» بايلانىس سەرىگىمەن «پروتون- م» زىمىران- تاسىعىشىنىڭ ۇشىرىلۋى اۋىستىرىلادى.

«ەكسپرەسس- АМ4Р» تەلەكوممۋنيكاتسيالىق عارىش اپپاراتىمەن عارىشتىق ماقساتتاعى «پروتون- م» جۇماعا قاراعان ءتۇنى بايقوڭىر عارىش ايلاعىنان ۇشىرىلعان بولاتىن. بۇل 2014 - جىلدىڭ باسىنان بەرى جۇزەگە اسىرىلعان رەسەيدىڭ ونىنشى عارىشتىق ۇشىرىلۋى. «ەكسپرەسس- АМ4Р» بۇگىنگى تاڭدا رەسەيدەگى ەڭ قۋاتتى جانە جوعارى تەحنولوگيالى بايلانىس سەرىگى بولىپ تابىلادى.