استانادا «قازاقتىڭ ارى» اتتى كىتاپ جارىق كوردى

استانا. قازاقپارات - جۋىردا استانا قالاسىنداعى «جاسىل وردا» باسپاسىنان فيلولوگيا عىلىمدارىنىڭ كانديداتى احات نۇرتاستىڭ «قازاقتىڭ ارى» اتتى كىتابى قازاق جانە ورىس تىلدەرىندە جارىققا شىقتى.

 كىتاپتا قازاق ۇلتىنىڭ رۋحاني قازىناسى - رۋح، نامىس، سانا، ءتىل، سەنىم سياقتى كاتەگوريالارىنا تالداۋ جاسالعان.

بۇگىنگى زاماناۋي تالاپتارعا وراي قىسقا دا نۇسقا جازىلعان تۋىندىدا قازاق جاستارىنا ۇلگى بولارلىق تۇجىرىمدامالىق ماقسات پەن مىندەتتەرى ارقىلى باعىت بەرىلگەن.

« ХХІعاسىر پوستيندۋستريالدىق قوعامنىڭ دامۋ ۇردىسىنە وراسان زور وزگەرىستەردى ۇسىنىپ وتىر. وسى ورايدا قازاق قوعامى ينتەگراتسيالانعان الەمدە قانداي ورىن الادى، كيبەركەڭىستىك، ۆيرتۋالدى تىرشىلىك ۇسىنعان تالاپتارعا قالاي دايار بولادى دەگەن سۇراقتارعا جاۋاپ ىزدەگەن كەزەڭ باستالدى. وسى كىتاپتا سول ماسەلەلەردىڭ باس قوزعالدى»،-دەيدى اۆتور.

سونىمەن قاتار، ەرتەڭ، ياعني 16 - مامىر كۇنى كوكشەتاۋ قالاسىنداعى «كوكشەتاۋ» مادەنيەت سارايىندا اۆتوردىڭ «قازاقتىڭ ارى» اتتى كىتاپتىڭ تۇساۋكەسەر راسىمىنە ارنالعان «ار» رۋحاني-تانىمدىق كەشى وتەدى. كەشكە ەلىمىزگە تانىمال اقىندار قالقامان سارين، ۇلاربەك دالەي ۇلى، ەرلان ءجۇنىس جانە باۋىرجان قاراعىز ۇلى قاتىسادى.

 

اۆتور: ءابۋ- اسقار مەكەش ۇلى