قازاقستان مەن جاپونيا اراسىنداعى قارىم- قاتىناس ماسەلەلەرى تالقىلاندى
تاراپتار قازاقستان پرەزيدەنتىنىڭ جاپونيا پرەمەر-مينيسترىمەن كەزدەسۋلەرى قازاقستاندىق-جاپوندىق ءوزارا ءىس-قيمىلدى ودان ءارى نىعايتۋعا جول اشاتىنىن ايتا كەلىپ، قوس مەملەكەتتىڭ ىنتىماقتاستىعىنىڭ ستراتەگيالىق سيپاتىنا نازار اۋداردى.
سونداي-اق جۇزدەسۋدە يادرولىق قارۋسىزداندىرۋ جانە ونى تاراتپاۋ تاقىرىبىنا دا ايرىقشا كوڭىل ءبولىندى.
ءماجىلىس ءتوراعاسى قازاقستان پرەزيدەنتى نۇرسۇلتان نازاربايەۆتىڭ بارلىق حالىقارالىق باستامالارىنىڭ ماڭىزدىلىعىنا توقتالدى. ق. جاقىپوۆ اتاپ وتكەندەي، ورتالىق ازياداعى يادرولىق قارۋدان ازات ايماق تۋرالى اعىمداعى جىلى 6 - مامىردا ب ۇ ۇ شتاب-پاتەرىندە قول قويىلعان كەلىسىمگە حاتتاما حالىقارالىق جانە ايماقتىق قاۋىپسىزدىكتى نىعايتۋ جولىنداعى ماڭىزدى قادام بولىپ تابىلادى.
ءوز كەزەگىندە ماساەسي كاموحارا قازاقستان ايماقتاعى كوشباسشى مەملەكەت بولىپ وتىرعانىن ايتىپ كەتتى. سونىمەن بىرگە جاپون ديپلوماتى جاپونيانىڭ ءبىزدىڭ ەلىمىزبەن ءارتۇرلى سالادا، اسىرەسە، يادرولىق قارۋسىزدانۋدا ىنتىماقتاستىق جاساۋعا مۇددەلى ەكەندىگىن ءبىلدىرىپ، ەكى ەل باسشىلارىنىڭ گااگاداعى كەزدەسۋلەرى وسىنىڭ دالەلى بولعانىن اتاپ كورسەتتى.
ساۋدا-ەكونوميكالىق ىقپالداستىقتى نىعايتۋ تۋرالى ءسوز قوزعالعاندا ءماجىلىس ءتوراعاسى قازاقستاننىڭ جاپوندىق ۇزدىك ترانسۇلتتىق كومپانيالاردىڭ ينۆەستيتسيالار سالۋىنا جانە قازاقستاندا سەرۆيستىك جيناقتاۋ ءوندىرىسىن قۇرۋعا تارتۋعا دا قىزىعۋشىلىق بىلدىرەتىنىن تىلگە تيەك ەتتى.
«جاپوندىق ءوندىرىس ورىندارىنىڭ يننوۆاتسيالىق سيپاتىن ەسكەرە وتىرىپ، ءبىز جاپوندىق بيزنەس وكىلدەرىن قازاقستاندا يندۋستريالدىق باعدارلامالاردى جۇزەگە اسىرۋعا، سونداي- اق «ەكسپو-2017» كورمەسىنە قاتىسۋعا شاقىرامىز» ، - دەدى ءماجىلىس ءتوراعاسى.
كەزدەسۋ يەلەرى پارلامەنتارالىق قاتىناستى تەرەڭدەتۋدىڭ وزەكتىلىگىن ەسكەرە كەلىپ، وسى جولدا بەيىندى كوميتەتتەرمەن جانە ىنتىماقتاستىق جونىندەگى توپتار اراسىنداعى ءوزارا ءىس- قيمىلدى كەڭەيتۋ قاجەتتىگىن اتاپ ءوتتى.
