قازاقستان مەن رەسەي اۋە شابۋىلىنا قارسى قورعانىسىنىڭ ءبىرىڭعاي وڭىرلىك جۇيەسىن قۇرۋ تۋرالى كەلىسىم راتيفيكاتسيالاندى
اتالعان زاڭدى حالىق قالاۋلىلارىنا تانىستىرعان ق ر قورعانىس ءمينيسترىنىڭ ورىنباسارى وقاس ساپاروۆتىڭ اتاپ وتۋىنشە، قازاقستان مەن رەسەيدىڭ اۋە شابۋىلىنا قارسى قورعانىسىنىڭ وڭىرلىك جۇيەسىن قۇرۋ ماقساتى - ەكى مەملەكەتتىڭ اۋە كەڭىستىگىن كۇزەتۋ جانە قاۋىپسىزدىگىن قامتاماسىز ەتۋ بولىپ تابىلادى.
«بۇل جۇيەنىڭ نەگىزگى مىندەتتەرى قۇرىلۋ جانە اسكەرلەردى قولدانۋ قاعيدالارى كەلىسىمنىڭ اجىراماس بولىگى بولىپ تابىلاتىن ەرەجەدە كوزدەلگەن. اۋە شابۋىلىنا قارسى قورعانىستىڭ ءبىرىڭعاي وڭىرلىك جۇيەسى مىناداي قاعيدالار نەگىزىندە قۇرىلادى جانە قولدانىلادى: بەيبىت ۋاقىتتا اسكەرلەردىڭ جاۋىنگەرلىك كەزەكشىلىكتى اتقارۋى مەن بىرلەسكەن ءىس- قيمىلدارىن ۇيلەستىرۋدى ۇيىمداستىرۋ، ءبىرىڭعاي وڭىرلىك جۇيە اسكەرلەرىنىڭ تىكەلەي ۇلتتىق قولباسشىلىققا باعىنىشتىلىعىن ساقتاۋ، اسكەرلەردىڭ جەدەل جانە جاۋىنگەرلىك دايارلىعىن ۇيىمداستىرۋ جولىنداعى تاسىلدەردىڭ تۇتاس بولۋى» ، - دەدى ول.
سونداي- اق و. ساپاروۆ سوعىس ۋاقىتىندا ەكى مەملەكەتتىڭ اۋە شابۋىلىنا قارسى قورعانىس اسكەرلەرىن قولدانۋ ءبىرىڭعاي نيەتپەن جوسپار بويىنشا جۇزەگە اسىرىلاتىنىن ايتىپ ءوتتى.
