00:16, 15 - مامىر 2014 | GMT +5
ورىس ءتىلدى ناسيحات توبى قۇرىلدى
استانا. قازاقپارات - قازاقستان مۇسىلماندارى ءدىني باسقارماسى جانىنان ورىس ءتىلدى ۋاعىز- ناسيحات توبى قۇرىلدى. نايب ءمۇفتي سەرىكباي قاجى ورازدىڭ توراعالىعىمەن وتكەن القالى ماجىلىستە ءبىراۋىزدان وسىنداي شەشىم قابىلداندى،
دەپ جازادى muftyat.kz.
«ەلىمىزدىڭ كەيبىر ايماقتارىندا ورىس ءتىلدى جاماعاتىمىز يمامداردىڭ قازاق تىلىندە ايتقان ناسيحاتتارىن تۇسىنبەي جاتاتىن جاعدايلاردى بايقايمىز. سولتۇستىك ايماقتاردا ورىس تىلىندەگە ۋاعىزدارعا سۇرانىس كوپ. وسىنى ەسكەرە كەلە، باۋىرلارىمىزعا ۇعىنىقتى بولۋ ءۇشىن ارنايى ناسيحات توبىن جاساقتاۋ جايلى ۇيعارىم جاسادىق» ، - دەدى سەرىكباي ساتىبالدى ۇلى.
ناسيحات توبىنىڭ قۇرامىنا ورىس ءتىلىن جەتىك مەڭگەرگەن، ءدىني ءھام دۇنيەۋي ساۋاتى جوعارى، حالىققا دانالىقپەن كوركەم ۋاعىز ايتا الاتىن ءدىنتانۋشىلار مەن يمامدار ەندى. رەسپۋبليكا بويىنشا ەكى توپ (5 ادامنان) جاساقتالىپ، ايماقتاردا ۋاعىز ايتۋعا كىرىسپەك.
