قازاق تىلىنە قارسى شىققان بانكپەن جىل بويى سوتتاسقان ءتىل جاناشىرىنىڭ جەڭىسى

استانا. قازاقپارات - ال، مەملەكەتتىك ءتىلدى مەنسىنبەي، قازاق تىلىنە قارسى شىققان بانكپەن ءبىر جىل بويى سوتتاسقان استانالىق تۇرعىن، اقىرى جەڭىپ شىقتى.

سوت شەشىمىنە سايكەس، «تسەسنابانك» قازاق ءتىلىن قۇرمەتتەمەگەنى ءۇشىن رۋزا بەيسەنبايتەگىنە 56 مىڭ تەڭگە مورالدىق وتەماقى تولەۋگە مىندەتتەلدى.

رۋزا بەيسەنبايتەگى مەن «تسەسنابانك» اراسىنداعى ءتىل ءۇشىن بولعان تەكەتىرەس 10 اي بۇرىن باستالعان.

پاۆلودارداعى بانك بولىمدەرىنىڭ بىرىنە سالىق تولەمەك بولعان كاسىپكەرگە «تسەسنابانك» قىزمەتكەرلەرى «اتى-ءجونىڭىز قازاقشا بولعاندىقتان قىزمەت كورسەتە المايمىز» دەپ دورەكىلىك كورسەتكەن.

«مەملەكەتتىك ءتىل» تۋرالى زاڭدى العا تارتىپ، شۋ شىعارعاننان كەيىن عانا قۇجاتتى قابىلداپتى. ءبىراق، تۇتىنۋشىنىڭ قازاق تىلىندە جازعان اتى-ءجونىن، تۇسىنىكسىز بەلگىلەرمەن تولتىرىپ بەرىپتى.

سەبەبىن، بانكتە مەملەكەتتىك تىلدە جازاتىن باعدارلاما جوق دەپ تۇسىندىرگەن. انا ءتىلىمىزدىڭ ءوز ەلىندە بۇلايشا قورلىققا تۇسكەنىنە نارازى بولعان رۋزا بەيسەنبايتەگى استاناداعى اۋداندىق سوتقا شاعىمدانىپ، جەڭىسكە جەتكەن ەدى. بۇل شەشىممەن كەلىسپەگەن «تسەسنابانك» وكىلدەرى ءىستى قايتا قاراۋعا ارىزدانعان. الايدا، استانا قالالىق سوتى شەشىمدى وزگەرىسسىز قالدىردى.

رۋزا بەيسەنبايتەگى، ءتىل جاناشىرى:

وتەماقى تولەمەك تۇگىلى بولىمشەدەگى اقپاراتتار كورشى مەملەكەتتىڭ تىلىندە. رەسمي تىلدە. نەگە مەملەكەتتىك تىلدە ەمەس دەسەك. ونى زاڭگەرىمىز قاراپ جاتىر دەيدى.

  

31-ارنا