قازاقستان رەسەيگە قارسى سانكتسيالارعا الاڭدايدى
«ءبىزدىڭ ەڭ ءىرى ساۋدا ارىپتەسىمىز - رەسەيگە قاتىستى سانكتسيا رەجيمىنىڭ كۇشەيۋى الاڭداتادى.
قازاقستانعا كەلەتىن تاۋاردىڭ 36 پايىزى - رەسەيلىك ونىمدەر، ال قازاقستان ەكسپورتىنىڭ 7 پايىزى رەسەي نارىعىنا شىعارىلادى. ءبىز بۇل ەلدەن كوپ مولشەردە كاپيتالدىڭ سىرتقا كەتىپ جاتقانىن كورىپ وتىرمىز.
بيىل رەسەي ەكونوميكاسىندا ءوسىم بولمايتىن ءتۇرى بار. ەكونوميكامىز ءبىر- بىرىمەن تىعىز بايلانىستى بولعاندىقتان بۇل جاعىمدى جاڭالىق ەمەس» دەدى كەلىمبەتوۆ.
ونىڭ ايتۋىنشا، قازاقستان وسى جاعدايدا ەكونوميكالىق ءوسىم مەن ينفلياتسيا قارقىنىن قالاي تەڭەستىرۋ جايىن قاراپ جاتىر.
ناۋرىز ايىندا ا ق ش رەسەيدىڭ قىرىمدى اننەكسيالاپ الۋىنا جانە ۋكرايناعا قاتىستى ساياساتىنا بايلانىستى رەسەيلىك 27 شەنەۋنىك پەن «روسسيا» بانكىنە سانكتسيا سالعان ەدى.
ال ءساۋىر ايىنىڭ سوڭىندا رەسەي پرەزيدەنتى ۆلاديمير پۋتيننىڭ جاقىن سەرىكتەرى مەن رەسەيلىك 17 كومپانياعا قارسى سانكتسيا سالىنعان. 12 - مامىر كۇنى ەۋروپا وداعى رەسەيلىك تاعى دا بىرنەشە شەنەۋنىككە سانكتسيا سالعانىن حابارلادى.
