جيەمبەت جىراۋ بورتوعاش ۇلى
ەسىمنىڭ كورشى حاندىقتارمەن اراداعى سوعىستارىنا قاتىسادى، ەرلىگىمەن، ىسكەرلىگىمەن تانىلادى. اسىرەسە،1620- جىلى ويراتتارمەن ارادا شىققان سوعىستا قازاقتاردىڭ جاۋدى ويسىراتا جەڭۋىنە ۇيىتقى بولادى. 1627 -جىلى قازاق ورداسى قۇرامىنان ءبولىنىپ، ءوز الدىنا تاۋەلسىز حاندىق قۇرعىسى كەلگەن تاشكەنت حانى تۇرسىننىڭ كوتەرىلىسىن باسۋ كەزىندە دە ەلەۋلى رول اتقارادى. الايدا كوپ ۇزاماي-اق ورتالىققا ءسوز جۇزىندە عانا باعىنىپ، كىشى جۇزدە دەربەس بيلىك قۇرا باستاعان جيەمبەتتىڭ ءوزى دەحاننىڭ قاهارىنا شالىنادى. جىراۋدىڭ ءىنىسى جولىمبەتتىڭ ءبىر جەڭىلتەك ءىسىن سارايدى قورلاۋ دەپ ساناعان ەسىم بۇل ماسەلەگە اقىننىڭ ءوزىن دە ىلىكتىرەدى. جىراۋ ويراتتارمەن شەكارا - شىعىس بەتكە ايدالادى. ءبىر دەرەكتەرگە قاراعاندا، جيەمبەت سول ايداۋدا ولەدى، ەندى ءبىر دەرەكتەردىڭ ايتۋىنشا، 1643- جىلى ەسىم حان دۇنيەدەن كوشكەن سوڭ، تۋعان جەرىنە قايتىپ ورالادى.
