شەرحان مۇرتازا

شەرحان مۇرتازا 1932 - جىلى 28 - قىركۇيەكتە جامبىل وبلىسى جۋالى اۋدانى مىڭبۇلاق مەكەنىندە تۋدى. 1955 - جىلى ماسكەۋ مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن ءبىتىردى

«لەنينشىل جاس» («جاس الاش») گازەتىنىڭ، «سوسياليستىك قازاقستان» گازەتىنىڭ ءتىلشىسى، 1963-1970 جىلدارى «جاس الاش» گازەتىنىڭ رەداكتورى بولدى. سودان كەيىن «جالىن» الماناعىنىڭ، «جۇلدىز» جۇرنالىنىڭ باس رەداكتورى، جازۋشىلار وداعى باسقارماسىنىڭ ەكىنشى حاتشىسى، «قازاق ادەبيەتى»، «ەگەمەن قازاقستان» گازەتتەرىنىڭ باس رەداكتورى، قازاقستان رەسپۋبليكاسى مەملەكەتتىك تەلەراديو كومپانياسىنىڭ ءتوراعاسى بولدى. ءماجىلىس دەپۋتاتى بولىپ سايلاندى. جازۋشىنىڭ ءار جىلدارى «تابىلعان تەڭىز»، «بەلگىسىز سولداتتىڭ بالاسى»، «مىلتىقسىز مايدان»، «41- جىلعى كەلىنشەك»، «ينتەرنات نانى» اتتى پوۆەستەر مەن اڭگىمەلەر جيناقتارى، «قارا مارجان»، بەس كىتاپتان تۇراتىن «قىزىل جەبە»، «اي مەن ايشا» روماندارى جارىق كورگەن. مەملەكەتتىك سىيلىقتىڭ يەگەرى، قازاقستاننىڭ حالىق جازۋشىسى.