اقتامبەردى جىراۋ سارى ۇلى
اقىندىق تالانتىن تىم ەرتە، 10-11 جاسىندا تانىتقان ول 17 جاسىنان باستاپ قازاقتاردىڭ ورتا ازيا حاندىقتارىمەن اراداعى سوعىستارىنا قاتىناسادى. ءوزىنىڭ جانكەشتى ەرلىگىمەن، اقىل-ايلاسىمەن كوپكە تانىلادى. تالاي رەت ءولىم اۋزىنان قالادى. بىردە، ءتىپتى، جورتۋىلدا جاۋ قولىنا ءتۇسىپ، ءولىم جازاسى ورىندالار قارساڭدا عانا قاشىپ قۇتىلادى. 1723- جىلى قازاقتار ويراتتاردان ويسىراي جەڭىلىپ، بۇكىل وڭتۇستىك جانە شىعىس ايماقتان ايرىلعان شاقتا، اقتانبەردى اتاقتى باتىر، ورتا ءجۇزدىڭ رۋباسى اقساقالدارىنىڭ ءبىرى ەدى.
باتىر جىراۋ ءوزىنىڭ بەلسەندى ىسىمەن دە، جالىندى جىرىمەن دە جوڭعارعا قارسى كۇرەستى ۇيىمداستىرۋشىلاردىڭ بەل ورتاسىندا بولادى، قازاق جاساعىنىڭ الدىڭعى ساپىندا شايقاسادى. جوڭعار مەملەكەتى ءبىرجولا تالقاندالىپ، جاۋدان بوساعان شىعىس بەتكە قايتا قونىستانۋ كەزىندە قازاق رۋلارىن اتامەكەنگە ءبىرجولا ورنىقتىرۋ ىسىندە زور قىزمەت اتقارادى. توقسان ءۇش جاسىندا قايتىس بولادى. جىراۋدىڭ قايتا تۇرعىزىلعان كۇمبەزى قازىر شىعىس قازاقستان وبلىسىنىڭ اباي اۋدانىنداعى جۇرەكجوتا دەگەن توبەنىڭ باسىندا تۇر.
