«ارسەلورميتتال تەمىرتاۋ» كومپانياسى اتاۋىن وزگەرتۋى مۇمكىن

ونەركاسىپ جانە قۇرىلىس ءمينيسترى قانات شارلاپايەۆ «ارسەلورميتتال تەمىرتاۋ» كومپانياسىنىڭ اتاۋىن اۋىستىرۋ جونىندە پىكىرىن ءبىلدىردى، دەپ حابارلايدى Kazinform.

«كومپانيانىڭ رەبرەندينگىن جاڭا ينۆەستور ناقتى بەكىتەدى. ءبىزدىڭ پىكىرىمىزشە، بۇرىنعى تاريحي «قارمەت» اتاۋىن قايتارۋ قاجەت. مۇنى قىزمەتكەرلەر مەن تۇرعىندار دا قولدايدى دەپ ويلايمىن»، - دەدى قانات شارلاپايەۆ ۇكىمەتتە وتكەن بريفينگتە.

ايتا كەتەيىك، «ارسەلورميتتال تەمىرتاۋ» ا ق مەملەكەت مەنشىگىنە قايتارۋ كەلىسسوزدەرى اياقتالدى. ا م ت ەكى كاسىپورنىنىڭ قۇنى 286 ميلليون دوللارعا باعالانعان.

جاڭا ينۆەستور - قازاقستاندىق بيزنەسمەن اندرەي لاۆرەنتيەۆ. ول 1979 -جىلى الماتى قالاسىندا دۇنيەگە كەلگەن. «Allur Group» كومپانيالار توبىنىڭ ديرەكتورلار كەڭەسىنىڭ ءتوراعاسى، ونىڭ قۇرامىندا «اگروماش حولدينگ» جانە «سارى ارقا اۆتوپروم» ج ش س بار.

سونداي- اق، «ارسەلورميتتال تەمىرتاۋ» «قازاقستان حالقىنا» قورىنا 16 ميلليارد تەڭگە قايىرىمدىلىق قارجى اۋدارادى. بۇل قاراجاتتىڭ 50 پايىزى تەمىرتاۋ قالاسىنا جانە قالعانى قاراعاندى وبلىسىن دامىتۋعا جۇمسالادى.

اۆتور

ايجان سەرىكجان قىزى