ارسەلورميتتال قازاقستاندى سوتقا بەرۋى مۇمكىن بە

ArcelorMittal
Photo: shutterstock.com.

 قازاقستان ارسەلورميتتال كومپانياسى كەلىسىمدى توقتاتۋ بويىنشا زاڭ جۇمىستارىن جۇرگىزىپ جاتىر. بۇل تۋرالى ونەركاسىپ جانە قۇرىلىس ءمينيسترى قانات شارلاپايەۆ ءمالىم ەتتى، دەپ حابارلايدى قازاقپارات. 

«ۇكىمەت ارسەلورميتتال كومپانياسىمەن كەلىسسوز جۇرگىزۋدى ءبىراز ۋاقىت بۇرىن باستاعان. ءبىز قۇجاتتارعا الدىن-الا (22-قازان) قول قويدىق. ارسەلورميتتال ءوز تاراپىنان قول قويۋ شاحتاداعى قايعىلى وقيعاعا دەيىن بولعانىن راستادى. سوندىقتان مامىلە اياق استىنان جاسالدى دەۋ قاتە. بۇعان دەيىن ۇكىمەت ارسەلورميتتال كومپانياسىمەن ءبىراق جۇمىس جۇرگىزىلدى»، - دەدى قانات شارلاپايەۆ ۇكىمەت ۇيىندە وتكەن باسپا ءسوز ءماسليحاتىندا.

سونداي-اق ب ا ق وكىلدەرى مينيستردەن ارسەلورميتتالدىڭ كەلىسىمنەن باس تارتىپ قازاقستاندى سوتقا بەرۋى مۇمكىن بە؟ دەپ سۇرادى.

«قازىر ارسەلورميتتال اكسيونەرلەرىنىڭ قۇرامىنان شىققاننان كەيىن قازاقستاندى ودان ءارى سوت تالقىلاۋلارىنان قورعاۋ ءۇشىن ەگجەي-تەگجەيلى زاڭ جۇمىستارىن جۇرگىزىپ جاتىرمىز»، - دەيدى ول.

«كومپانيانىڭ اتاۋى وزگەرەدى. ءبىراق بۇل جاعداي بويىنشا شەشىم ءالى قابىلدانبادى. ارسەلورميتتالدىڭ قازاقستاندىق كاسىپورىن اكسيونەرلەرىنىڭ قۇرامىنان شىققاننان كەيى اتاۋىن وزگەرتۋگە قۇقىعىمىز جوق. شىنىمدى ايتسام، ءبىز ءالى قاراعان جوقپىز»، - دەيدى ق. شارلاپايەۆ.

سوڭعى جاڭالىقتار