ارقالىق ەت كومبيناتى بۇقتىرىلعان كيىك ەتىن وندىرە باستادى

وسى كۇنگە دەيىن كاسىپورىن 500 باس اقبوكەن ۇشاسىن قابىلداعان. بۇل جوسپارلانعان كولەمنىڭ التىدان ءبىر بولىگى عانا. كەلىسىم- شارت بويىنشا ەت كومبيناتىنا قاراشانىڭ اياعىنا دەيىن ءۇش مىڭ باس وتكىزىلۋى ءتيىس.

دالادا اۋلانعان كيىك ۇشاسى ەت كومبيناتىنا ىشەك-قارىنسىز جەتكىزىلەدى. بۇل جەردە تەرىسى سىپىرىلىپ، ءمۇيىزى قاعىلىپ، ەتى وڭدەۋگە جىبەرىلەدى. ودان بۇرىن ول مۇقيات تەكسەرىستەن وتەدى.

گۇلناز سەركەبايەۆا، ۆەتەرينار دارىگەر:

- كيىك ەتتەرىن بىزدە ءبىرىنشى ورگانولەپتيكالىق زەرتتەۋدەن وتكىزىلەدى. دالانىڭ جانۋارى بولعاندىقتان ءبىز ولاردى مۇقيات قارايمىز. بارلىق ورگاندارىن قاراپ، زاقىمدانعان جەرلەرى بولسا، بارلىعىن تەكسەرىپ لابوروتوريالىق زەرتحانالىق زەرتتەۋلەردەن وتكىزەمىز.

وسى كۇنگە دەيىن قابىلدانعان بەس ءجۇز باستان قانداي ءبىر اۋرۋ انىقتالماعان. زەرتتەۋ كەزىندە كۇمان كەلتىرگەندەرى بىردەن جويىلعان. ساراپتامادان وتكەندەرى قويماعا كەلىپ تۇسەدى.

ءلاززات ءامىرقۇل، قويما مەڭگەرۋشىسى:

- مىسالى 38 كەلى دەپ قابىلدايمىز عوي ءبىر تۋشانى. ونىڭ ىشىنەن وق تيگەن جەرلەرى بولادى. ونى وتحود ەسەبىندە الىپ تاستايمىز. سوسىن وتە سەمىز بولسا، مايى كوپ بولادى. سوندا ەت 15 كەلى، 13 كەلى قالادى.

كيىك ەتىنەن جاسالعان بۇقتىرىلعان ەتتىڭ العاشقى پارتياسى مىنە تۇتىنۋشىلارعا جول تارتقالى تۇر. بۇل سەحتا كۇنىنە ءبىر توننا ەت وڭدەلەدى. مىنە مىنانداي كونسەرۆىلەنگەن كيىك ەتى ەلىمىزدىڭ بارلىق وڭىرلەرىنە جىبەرىلەدى. كيىكتىڭ ءۇي جانۋارلارىنان ەرەكشەلىگى ەتىنىڭ جۇمساقتىعى. سوندىقتان بۇقتىرىپ، قايناتۋ تەحنولوگياسى دا وزگەشەلەۋ.

سەرىكبولسىن وسپانوۆ، كونسەرۆىلەۋ سەحىنىڭ شەبەرى:

- اۆتوكلاۆقا كەلىپ تۇسەدى. وسىنىڭ ىشىندە پىسەدى. ءبارى اۆتوماتتاندىرىلعان جۇيەدە. ءبىر ساعاتتا پىسەدى. 120 گرادۋستا قاينايدى. وسىنىڭ ىشىندە، ستەرەليزاتسيا، وحلوجدەنيە ءبارى وسىنىڭ ىشىندە بولادى.

ءبىر- ەكى اپتا بۇرىن بۇقتىرىلىعان كيىك ەتىنىڭ سىناماسى ەلىمىزدىڭ ءبىراز وڭىرلەرىنە جىبەرىلگەن. قازىر تاپسىرىستار كوپ ءتۇسىپ جاتىر- دەيدى.

وسىلاي سۇرانىس ارتىپ جاتسا، ەرتەڭ اقبوكەندى جاپپاي قىرىپ جويۋعا اكەلمەي مە دەگەن سۇراعىمىمزعا، سالا باسشىلارى ءبارى ەسەپتەلگەن، ءبارى باقىلاۋدا دەپ سەندىردى.

جانىبەك ەرسۇلتانوۆ، ورمان شارۋاشىلىعى جانە جانۋارلار الەمى اۋماقتىق ينسپەكسياسى باسشىسى:

- 21 -جىلى كيىكتەردىڭ سانى 285 مىڭ بولدى. 2022 -جىلى 489 بولدى. 2023 -جىلى ۋجە كيىكتەردىڭ سانى 745 مىڭ 300 باس بولدى. ءبىز اۆياۋچەتپەن باسىن سانادىق. سونىڭ 15 پروتسەنتىن رەتتەۋىمىز كەرەك. ول شامامەن 44 مىڭ باستى قۇرايدى. كيىك ءمۇيىزى دە تالان- تاراجعا تۇسپەيدى. نومىرلەنىپ، قۇجاتتانىپ مەملەكەتكە وتكىزىلەدى.

www.24.kz