ارنايى پروكۋرورلار حوستەلدەگى ءورت وقيعاسى بويىنشا قىلمىستىق ءىستى تەرگەۋگە كىرىستى
30- قاراشاداعى «الماتى حوستەل» عيماراتىنداعى ءورت وقيعاسىنا بايلانىستى ق ر ق ك- ءنىڭ 292-بابىنىڭ 3-بولىگىمەن سوتقا دەيىنگى تەرگەپ-تەكسەرۋ باستالدى، دەپ حابارلايدى Kazinform.
«باس پروكۋروردىڭ تاپسىرماسىنا سايكەس قىلمىستىق ءىس ارنايى پروكۋروردىڭ ءىس جۇرگىزۋ وندىرىسىنە قابىلداندى. قۇقىق قورعاۋ ورگاندارىنىڭ تاجىريبەلى قىزمەتكەرلەرىنەن قۇرالعان ۆەدومستۆوارالىق جەدەل-تەرگەۋ توبى قۇرىلدى. ءورتتىڭ شىعۋ سەبەبى مەن العىشارتتارىن انىقتاۋ ماقساتىندا وقيعا ورنىنا قاراپ-تەكسەرۋ جۇرگىزىلىپ، ساراپتامالار تاعايىندالىپ، وزگە دە جەدەل-تەرگەۋ ءىس شارالارى ۇيىمداستىرىلىپ جاتىر. سول كۇنى وسى قىلمىستى جاسادى دەگەن كۇدىكپەن حوستەلدى جالعا بەرۋشى ا. مۋحامەدياروۆ پروكۋرورلارمەن ۇستالىپ، ۋاقىتشا ۇستاۋ يزولياتورىنا وقشاۋلاندىرىلدى»، - دەلىنگەن ق ر باس پروكۋراتۋراسىنىڭ حابارلاماسىندا.
تەرگەۋ اياسىندا حوستەلدىڭ قىزمەت كورسەتۋىنە قاتىسى بولعان بارلىق تۇلعالاردىڭ ارەكەتىنە قۇقىقتىق باعا بەرىلەدى. قىلمىستىق ءىس تەرگەۋى باس پروكۋروردىڭ باقىلاۋىندا بولادى.
ەسكە سالايىق، 30- قاراشا كۇنى الماتىدا حوستەل ورتەنىپ، 13 ادام قازا تاپتى.
ورتتەن زارداپ شەككەن ادامدار قالالىق جەدەل شۇعىل كومەك كورسەتۋ اۋرۋحاناسىنا جەتكىزىلدى. قالالىق دەنساۋلىق ساقتاۋ باسقارماسىنىڭ مالىمەتىنە سايكەس، ناۋقاستىڭ بىرىنە كومىرقىشقىل گازىنان ۋلانۋ دياگنوزى قويىلدى.
ءورت شىققان «Almaty Hostel» Halyk Bank مەنشىگىندەگى عيماراتتا ورنالاسقانى بەلگىلى بولدى.
قازاق تاپقانداردىڭ توعىزى - قازاقستاندىق، قالعانى شەتەلدىكتەر ەكەنى انىقتالدى.
كەيىن حوستەلدە تۇرىپ جاتقان ستۋدەنتتەر ءورت باستالعان كەزدە عيماراتتان قالاي شىققانىن ايتىپ بەردى.
سونداي-اق حوستەلدىڭ يەسى - «كۋسا حالىك» ج ش س. ونى جالعا العان - «ALA Hostel» ج ش س. جالداۋ تۋرالى كەلىسىمشارت بيىل 21- قىركۇيەكتە جاسالعانى انىقتالدى.
