ارمەنيا مەن ازەربايجان بەيبىت كەلىسىمگە قول قويۋعا نيەتتى

  ارمەنيا س ءى م باسشىسى ارارات ميرزويان ا ق ش مەملەكەتتىك حاتشىسى ەنتوني بلينكەننىڭ شاقىرۋىمەن ۆاشينگتوندا ءوزىنىڭ ازەربايجاندىق ارىپتەسى دجەيحۋن بايراموۆپەن كەزدەسۋ وتكىزىپ، ەكى ەل اراسىندا بەيبىت كەلىسىم ورناتۋعا دايىن ەكەنىن ءمالىم ەتتى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

ارارات ميرزويان ا ق ش مەملەكەتتىك دەپارتامەنتىنىڭ كاۆكاز بويىنشا كەڭەسشىسى لۋيس بونومەن كەزدەسۋدە وسىعان كەلىسەتىنىن ايتتى.

- تاراپتار وڭىرلىك قاۋىپسىزدىك پەن تۇراقتىلىققا بايلانىستى ماسەلەلەردى قوزعادى. ارمەنيا ازەربايجاننىڭ سىرتقى ىستەر مينيسترىمەن ۆاشينگتوندا كەزدەسۋ وتكىزۋ تۋرالى ا ق ش ۇسىنىسىنا وڭ كوزقاراس تانىتتى،-دەلىنگەن حابارلامادا.

جاقىندا ازەربايجان رەسپۋبليكاسىنىڭ پرەزيدەنت اكىمشىلىگى مەن ارمەنيا رەسپۋبليكاسى پرەمەر-ءمينيسترىنىڭ اپپاراتى ورتاق مالىمدەمە جاساپ، ەكى ەل دە قارىم- قاتىناسىن رەتتەپ، ەگەمەندىك پەن اۋماقتاق تۇتاستىق پرينتسيپتەرىنە نەگىزدەلگەن بەيبىت كەلىسىمگە قول جەتكىزۋگە نيەتتى ەكەنىن راستاعانىن ايتتى. كەلىسىم اياسىندا باكۋ 32 ارمەنيالىق اسكەري قىزمەتشىنى، ال ەريەۆان ەكى ازەربايجاندىق اسكەري قىزمەتشىنى بوساتادى. تاراپتار ەكى ەل اراسىنداعى سەنىمدى ارتتىرۋعا كۇش سالادى. بۇل-وڭتۇستىك كاۆكاز وڭىرىنە وڭ اسەر ەتەتىنى ءسوزسىز.

كەلىسسوزدەر ناتيجەسىندە ەكى ەل اراسىنداعى سەنىمدى نىعايتۋ ءۇشىن نەگىزگى ءۇش باعىتتى قولعا الۋ تۋرالى كەلىسىمگە قول جەتكىزىلگەن.

كەشە ازەربايجان س ءى م ارمەنيانى بەيبىت كەلىسىم ورناتۋ ءۇشىن كەلىسسوزدى جاڭعىرتۋعا شاقىردى.