اركتيكا ءۇش ەسە تەز جىلىنىپ بارادى: دۇنيەجۇزىلىك مەتەوۇيىم ەسكەرتۋ جاسادى

استانا. KAZINFORM - ب ۇ ۇ دۇنيەجۇزىلىك مەتەورولوگيالىق ۇيىمىنىڭ جاڭا ەسەبىنە سايكەس، 2025- 2029 -جىلدار ارالىعىندا جاھاندىق ورتاشا تەمپەراتۋرا رەكوردتىق دەڭگەيدە نەمەسە سوعان جاقىن بولادى، دەپ جازدى Kazinform اگەنتتىگىنىڭ مەنشىكتى ءتىلشىسى.

بۇل كەزەڭدە جىل سايىنعى تەمپەراتۋرا يندۋسترياعا دەيىنگى دەڭگەيدەن 1,2- 1,9°C جوعارى بولادى. 1,5°C تان اسۋ ىقتيمالدىعى - % 70. مۇنداي جىلىنۋ قۇرعاقشىلىق، ىستىق تولقىندار، مۇزدىقتاردىڭ ەرۋى مەن تەڭىز دەڭگەيىنىڭ كوتەرىلۋى سياقتى كليماتتىق قاتەرلەردى كۇشەيتەدى.

الەمدىك ورتاشا تەمپەراتۋرا 2025- 2029 -جىلدار ارالىعىندا رەكوردتىق نەمەسە سوعان جاقىن دەڭگەيدە بولادى دەپ بولجانىپ وتىر. بۇل كەزەڭدە تەمپەراتۋرا يندۋسترياعا دەيىنگى كەزەڭمەن سالىستىرعاندا 1,2- 1,9°C جوعارى بولۋى مۇمكىن. پاريج كەلىسىمى بويىنشا 1,5°C شەگىنەن اسۋ ىقتيمالدىعى - %70. اركتيكادا جىلىنۋ ورتاشا الەمدىك كورسەتكىشتەن 3,5 ەسە جىلدام جۇرەدى. بۇل كليماتتىق وزگەرىستەر ىستىق تولقىندار، قۇرعاقشىلىق پەن تەڭىز دەڭگەيىنىڭ كوتەرىلۋى سياقتى قاتەرلەردى كۇشەيتەدى. بۇل قوعامعا، ەكونوميكاعا جانە ەكوجۇيەلەرگە ەلەۋلى كەرى اسەر ەتەدى.

- ءبىز تاريحتاعى ەڭ جىلى ون جىلدى باستان وتكەردىك. وكىنىشكە قاراي، د م ۇ بايانداماسى الداعى جىلداردا ەشقانداي تىنىم جوق ەكەنىن كورسەتەدى، ياعني ءبىزدىڭ ەكونوميكامىزعا، كۇندەلىكتى ومىرىمىزگە، ەكوجۇيەلەرىمىزگە جانە پلانەتامىزعا كەرى اسەرلەر كوبەيە بەرەدى، - دەدى د م ۇ باس حاتشىسىنىڭ ورىنباسارى كو باررەت.