ارعىن نىعماتۋلين 12 جىلعا باس بوستاندىعىنان ايىرىلۋى مۇمكىن
استانا. KAZINFORM - پروكۋراتۋرا ورگاندارىنىڭ باستاما جاساۋىمەن سىبايلاس جەمقورلىققا قارسى ءىس-قيمىل اگەنتتىگى ىزدەۋ جاريالاعان ارعىن نىعماتۋليننىڭ ۇستىنەن قانداي باپ بويىنشا ءىس قوزعالعانى ءمالىم بولدى.
بۇل تۋرالى Kazinform ق ر باس پروكۋراتۋراسىنىڭ باسپا ءسوز قىزمەتىنە سىلتەمە جاساپ حابارلايدى.
«ق ر باس پروكۋراتۋراسى ا. نىعماتۋلينگە جانە باسقا دا كۇدىكتى تۇلعالارعا قاتىستى قىلمىستىق كودەكستىڭ 189-بابى (سەنىپ تاپسىرىلعان بوتەن مۇلىكتى يەمدەنىپ الۋ نەمەسە تالان-تاراجعا سالۋ) 4-بولىگى 2-تارماعى بويىنشا تەرگەۋ جۇرگىزىپ جاتىر»، - دەلىنگەن حابارلامادا.
بۇل باپ بويىنشا، جەتى جىلدان ون ەكى جىلعا دەيىن باس بوستاندىعىنان ايىرۋ جازاسى قاراستىرىلعان.
بۇعان دەيىن ەلىمىزدىڭ پروكۋراتۋرا ورگاندارى بۇرىنعى ءماجىلىس سپيكەرى نۇرلان نىعماتۋليننىڭ اعاسى ارعىن نىعماتۋلينگە ىزدەۋ جاريالاعانىن جازعان ەدىك.
كەيىنىرەك ارعىن نىعماتۋلينگە حالىقارالىق ىزدەۋ جاريالانعانى ءمالىم بولدى.
