پاراليمپيادا-2024: ۇلتتىق قۇراما جولدامالار سانىن 11 گە جەتكىزدى

استانا. KAZINFORM - بيىل 28- تامىز بەن 8- قىركۇيەك ارالىعىندا پاريجدە (فرانسيا) وتەتىن XVII پاراليمپيادا ويىندارىنا قازاقستان ۇلتتىق قۇراماسى جولدامالار سانىن 11 گە جەتكىزدى.

ق ر تۋريزم جانە سپورت مينيسترلىگى ءمالىم ەتكەندەي، پاراليمپيادا ويىندارىندا سپورتتىڭ 23 تۇرىنەن جارىستار ۇيىمداستىرىلادى. قازاقستان ۇلتتىق قۇراماسى ازىرگە سپورتتىڭ 9 تۇرىنەن (پارا جەڭىل اتلەتيكا، پارا پاۋەرليفتينگ، پارا تاەكۆوندو، پارا ۇستەل تەننيسى، پارا ءجۇزۋ، پارا دزيۋدو، پارا كانوە، وتىرىپ وينايتىن ۆولەيبول، پارا نىسانا كوزدەۋ) ونەر كورسەتۋدى جوسپارلاپ وتىر.

وسى ۋاقىتقا دەيىن پاراليمپياداشىلار 11 ليسەنزيا جەڭىپ الدى. اتاپ ايتساق، وتىرىپ وينايتىن ۆولەيبولدان ەرلەر قۇراماسى – 1، پارا جەڭىل اتلەتيكا بويىنشا يادرو لاقتىرۋ – 1، پارا ءجۇزۋ – 3، پارا كانوە – 1، پارا پاۋەرليفتينگ – 1، پارا تاەكۆوندو – 3، پارا نىسانا كوزدەۋ - 1.

سونىمەن قاتار بيىل پاراليمپياداعا ليسەنزيا بەرەتىن 23 سپورتتىق ءىس-شارا جوسپارلانعان.

ايتا كەتۋ كەرەك، توكيو-2020 پاراليمپياداسىنا قازاقستان ۇلتتىق قۇراماسىنىڭ 25 سپورتشىسى قاتىسىپ، 5 مەدال (1 التىن، 3 كۇمىس جانە 1 قولا) ۇتىپ العان. ەلىمىز جالپىكوماندالىق ەسەپتە 48-ورىندا تۇر.

اۆتوركۇنسۇلتان وتارباي