ارالدىڭ قۇرعاعان تابانىنا 48,7 ميلليون سەكسەۋىل كوشەتى ەگىلدى
استانا. KAZINFORM - «تازا قازاقستان» باستاماسى اياسىندا مەملەكەتتىك ورمان قورى اۋماعىندا جالپى 1 ميلليارد 369 ميلليون كوشەت وتىرعىزىلدى. بۇل تۋرالى ق ر ەكولوگيا جانە تابيعي رەسۋرستار ۆيتسە-ءمينيسترى مانسۇر وشۋربايەۆ ايتىپ بەردى.
- «تازا قازاقستان» باستاماسىنىڭ تاعى ءبىر ماڭىزدى باعىتى - ەل اۋماعىن كوگالداندىرۋ جانە ورمان القابىن ۇلعايتۋ. وسىلايشا، مەملەكەتتىك ورمان قورى اۋماعىندا جالپى 1 ميلليارد 369 ميلليون كوشەت وتىرعىزىلدى. ونىڭ ىشىندە ارال تەڭىزىنىڭ قۇرعاعان تابانىنا 48,7 ميلليون سەكسەۋىل كوشەتى ەگىلدى، - دەدى م. وشۋربايەۆ پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن بريفينگتە.
وتكەن جىلدىڭ سوڭىندا قازالى قالاسىندا 33 گەكتار اۋماقتا جىلىنا 3 ميلليون كوشەت وندىرۋگە الەۋەتتى ورمان ءتالىمباعىنىڭ قۇرىلىسى اياقتالدى.
قازىرگى تاڭدا اگروتەحنيكالىق تالاپتارعا سايكەس، بۇل ءتالىمباقتا 10 گەكتار جەرگە سەكسەۋىل تۇقىمدارى سەبىلدى.
- بيىل ارالدىڭ قۇرعاعان تابانىندا 15 گەكتارلىق ءتالىمباق جوباسى ازىرلەنىپ، قۇدىق قازۋ جۇمىستارى جۇرگىزىلىپ جاتىر. سونىمەن بىرگە، قىزمەتكەرلەرگە ارنالعان وندىرىستىك كونتەينەر-مودۋلدەر جەتكىزىلدى، - دەپ تولىقتىردى مانسۇر وشۋربايەۆ.
بۇعان دەيىن ەكولوگيا جانە تابيعي رەسۋرستار ءمينيسترى ەرلان نىسانبايەۆ Jibek Joly ستۋدياسىندا سۇحبات بەرىپ، پرەزيدەنتتىڭ 2 ميلليارد اعاش ەگۋ تاپسىرماسىن قالاي ورىنداپ جاتقانىن ايتىپ بەردى.
ەسكە سالا كەتسەك، «تازا قازاقستان» اكسياسى اياسىندا وتكەن جىلدان بەرى ەل بويىنشا 1,4 ميلليون توننا قالدىق جينالىپ، 2,4 ميلليون اعاش وتىرعىزىلدى. اكسياعا شامامەن 9 ميلليون ادام قاتىسقان، ونىڭ ىشىندە 450 مىڭ ەرىكتى بار.
